ديسير برستيج حليمة الفيلالي اللي قدمت في العراضة من اروع مايكون مع طريقة جميلة لتقديم الفواكه
مطبخ حليمة الفيلالي يقدم لكم ديسير برستيج او تخلية هائل للضيوف والعرااضات والمناسبات
فلان كراميل مع فواكه مرافقة بطريقة بسيطة ورائعة
مقادير الكريم كراميل :
كأس سكر للكراميل =150غ
الناس اللي ماكينجحش معاهم ممكن تزيدي ربع كأس ماء معاه
نوضعو فوق النار حتا يذوب ويصبح بحال الكواميل و نصبه مباشرة فالقلب لي غادي يطيب فيه الكريم كراميل
و نوجدو الكريم كراميل :
4بيضات
حليب مركز محلى=397غ و نزيدو الحليب العادي نفس المقدار حليب نيسلي
كيس فانيلا
كأس كوك او جوز الهند
كنخلطو كلشي مزيان و نصبه في القالب فوق الكراميل و يطهى في الفرن في حمام مريم تقريبا من 45 د إلى ساعة ندخلو فيه موس إلى خرج ناشف راه طاب
مكونات الكريم كراميل بدون حليب مركز محلى :
500ملل حليب
سكر حسب الذوق تقريبا نصف كأس
4بيضات وفانيلا
و بنفس الطريقة كنوجدوه
طريقة تقديم ديسير برستيج راه موظحة في الصورة كنوضع الكريم كراميل في الوسط باش يجينا نهزوز نديرو تحتو جبانية وفي الجوانب نصفف فواكه مختلفة حسب المتوفر
و بالصحة و الراحة
