دجاج معمر بالشعرية الصينية و مبخر
قزبر وبقدونس و6فصوص توم مفروم، حامض مصير مقطع رقيق، هريسة حارة ،ملعقة كبيرة صويا صوص،ملعقة كبيرة موطارد (خردل)،ملعقة كبيرة كيتشوب،نصف حبة ضامة البنة،ملعقة صغيرة بودرة التوم،نصف ملعقة صغيرة من الكركم وفلفل اسود وزنجبيل وملح ،2ملاعق كبار زيت زيتون
نخلطو الكل ، نتبلو الدجاجة بثلث كمية الخلطة وندخلو تحت الجلد ، نضيف لباقي الخلطة شعرية صينية لي سبق لينا رطبناها فماء ساخن وملح وصفيناها وقطعناها، وزيتون مقطع وشمبينيون لي شوحناه فشوية زبدة وكبد الدجاج مغسول بالحامض ومقطع مكعبات نشوحوه فشوية زبدة نخلطو مزيان ونحشيو الدجاجة ونقفلو بعود الاسنان ونفوروها فالكسكاس ساعة وربع حتى لساعة ونصف على حسب حجم الدجاجة ،ندهنوها بالقليل من الزبدة وندخلوها تحمر فالفرن ،رافقتها بخضر مبخرة
