لتحضير الدجاج بالدغميرة:
دجاجة وزن كيلو ونصف
فصين ثوم مفروم
ثلاث ملاعق ربيع مفروم ناعم
ربع حامض مصير مقطع
بصلتين مقطعين رقيق
نصف كأس مزيج زيت الزيتون ونباتي
ملح، ابزار ،سكينجبير، خرقوم ، ملون غدائي او زعفران شعرة ، القليل من السمن ،القليل من القرفة
فإناء نحطو الثوابل الثوم الربيع ونصف الكمية من الزيت المصير والسمن نخلطو التتبيلة مزيان و نشرملو الدجاج مزيان ممكن نخليوه ليلة كاملة فالثلاجة . فطنجرة نديرو البصلة والدجاج والباقي ديال الزيت نقليو الدجاج مزيان نمرقو بماء سخون ونخليوه يطيب ملي اطيب الدجاج نهزوه من الطنجرة ونبقاو نحركو حتى يتبخر الماء كلو ودغمر لينا المريقة. الدجاج ندهنوه بالزبدة وندخلوه للفرن اتحمر.
لتحضير السفة:
كيلو شعرية سفة
ثلاث ملاعق زبدة
نصف كأس زبيب مسلوق فالماء
ربع كأس زيت
ملح
كمية من اللوز او الكاوكاو المحمر ومهرمش للتقديم
قرفة وسكر كلاصي للتقديم
نحطو الشعرية فاناء ندهنوها بالزيت مزيان نحطوها تفور المرة الاولى مدة 20دقيقة نرجوها للاناء فاش كنخدمو بلاما نحيدوها من الكسكاس نكبو عليها الماء المغلي لكان فالطنجرة ديال البرمة (couscoussiere) نخليوها زوج دقايق تقطر نرجعو الماء للبرمة ونحطو السفة فالاناء نحلوها مزيان ونخليوها 10دقائق تنشف ونرجوها تفور . هاد العملية كنعاودوها زوج مرات طيب 20دقيقة نصبو الماء المغلي نخليوها تنشف وترجع تفور فالمرة الثانية نزيدو الملح ونرجوعا تفور للمرة الاخير (الى حسيتو بلي السفة مزال محتاجا تزيد تفويرة ممكن نزيدوها بلاما نكبو عليها الماء مغلي باش متتعجنش). بعد التفويرة الاخيرة ندهنوها بالزبدة ونزيدو عليها الزبيب لي سلقنا فالماء وصفيناه مزيان نحطو السفة فطبق التقديم ونسقيوها بالدجاج والدغميرة نزينو بالسكر اللوز والقرفة بالصحة والعافية
