ام لقمان و جنان
حرشات بالليمون و الشكلاط
كيف تنقوليكم غير تلف ليكم الكوتي تفكرو لحريشات الحلوين الصغار سهلين ودغية يوجدو
تناخدو 2 بيضات رشة ملح نضيفولهم كاس زيت كاس سكر وكاس عصير برتقال وقشرة برتقالة محكوكة و2 معالق نشا نخلط كلشي ونبدا نضيف سميدة رقيقة و2 خمارات ديال الحلوى ونضيفو 3 معالق شعرية الشكلاط او اكثر .
اهم حاجة متقصحوهاش بسميدة تجي تلصق فاليدين تشكلوها كويرة ديروها فسميدة وطيبوها لتحت حتى تشقق كيف البهلة عاد طيب لفوق وبالصحة والراحة
ملاحظة الى قصحتوها غتنشفلكم فالفران حاولو ما امكن تبقا تلصق فيدكم يمكلكم تهزوها غير بمعيلقة وتحطوها وسط سميدة عاد تشكلوها كرة
