السلام عليكم و رحمة الله و بركاته
موقع بسمة لكل ما يهم المرأة المغربية يقدم فقيقصات مالحين لذاذ و بنكهات مختلفة
فقيقصات مالحين لذاذ و بنكهات مختلفة
من الاخت امونة جزاها الله عنا كل خير
مقادير فقيقصات مالحين لذاذ و بنكهات مختلفة
400غ دقيق +100 نشا + 100غ فرماج محكوك +150غزبدة +2 فرماج +ملح + سودانية + كاس ماء المهم اللي يجمع ليك العجينة + خمارة
طريقة تحضير فقيقصات مالحين لذاذ و بنكهات مختلفة
من بعد ماتجمع لعجينة بالماء
نخليها ترتاح من نصف ساعة الى ساعة فالثلاجة
من بعد نقسمها على 4 اجزاء
جزء غادي نديرو فيه عطرية مكسيكية او الكاري …… جزء درت فيه الباقو …جزء درت فيه فرماج ……..جزء درت فيه زنجلان + زعتر + شوية ملح
اللي بعطرية المكسيكية درتو حرابل ودخلتو لفريكو ساعة
اللي بالفرماج نطلقو العجين بين جوج بلاستيكات بالمدلك وندهنوه باصفر البيض ونرشو عليه فرماج محكوك ويقطع حسب الرغبة
واحتا اللي بالزنجلان نفس الطريقة يتدهن باصفر البيض ويرش بالزنجلان
واللي بالباقو قطعتو دوائر ويدهن كذلك باصفر البيض ويرش بالباقو
ندخله للفرن حتى ينضج
و بالصحة والراحة
ان شاء الله تجربوه ويعجبكم
