جديد الحلويات المغربية : كعب الغزال بطريقة جديدة
من الاخت نزيهة جزاها الله عنا كل خير
مقادير عجين كعب الغزال
طريقتي لكعب غزال هي طريقه تقليديه وكيجي روعه
مقدير العجين
500 غ دقيق ابيض( فورص )يكون ممتاز
125 غ من الزبده الذايبه تكون مذوبه ونحاولو بملعقه ناخدو غدير الزبده
1 ملعقه سكر سقيل
ملح
3 قطرات من روح اللوز اختياري
وماء الزهر لجمع العجين تخلط وندلكوها مزيااان نعملها فبلاستيك غذاي ونخليوها ترتاح على الأقل 30 دقيقه
مقادير حشوة كعب الغزال
500 غ لوز مسلوق ومنقي ونااااشف مزيان
250 غ سكر
1 ملعقه كليكوز
3 قطرات روح اللوز اختياري
الزبده المدابه وماء الزهر
كناخدو اللوز كنطحنوه مزيان وكنعاودو نطحنوه مع سنيده ونزيدو عليه لكليكوز و 2 معالق زبدة مذابه وماء الزهر حسب الرغبة وندلكوه مزيااان حتى يتعلك
ونبداو نعمرو الكعبه
الكعبه إلى بغيتيها مطرطقش أولا فاش تكوني تلفي العجين على اللوز خرجي الهواء حيت تيتكون الهواء فالكعبه خاصك تكي عليها من الفوق للتحت من بعد شكليه وخليه يتشمع 8 ساعات على الأقل وعاد ثقبيه ودخليه الفرن يكون سخون غر دخليه نقصيه خليه على عافيه مهييييله راه غينجح ليك 100 ×100 وفحالت تنفخ ليك فاش يكون كيطيب حاولي بالأصابع تكي عليه راه غينجحليك بإذن الله
