السلام عليكم و رحمة الله و بركاته
موقع بسمة لكل ما يهم المرأة العربية يقدم غسلت البوتغاز ديالي وحبيت نقل ليكم طريقتي الساهلة البسيطة
غسلت البوتغاز ديالي وحبيت نقل ليكم طريقتي الساهلة البسيطة
موضوع للاخت : om anous جزاها الله عنا كل خير
السلام عليكم ورحمة الله تعالى وبركاته
كيف عاملين ألحادكات أش خباركم إنشاء الله كلشي على خير
اليوم غسلت البوتغاز ديالي وحبيت نقل ليكم طريقتي الساهلة البسيطة
والغير متعبة ولا مكلفة
ولي كيساعدني هو صديقي أجاكس وراه مجود فالمغرب تمنو يمكن 10 راهم
قرعة فيها نصف كيلو يعني دوز شهر وكتر ومفعولو رائع على الدهون
طولت عليكم ديمى كنخليلكم جريدة ههههههههه
كنرش أجاكس على البوطة وكنجيب حلفة ديال السلك رقيقة وكنبدى نحك غير بشوية بلى مديرو الماء غير رشوه وحكو
كاتلاحظو الدهون بدات كتحيد والمسحوق كيولي بحال الرملة حيت جمع كاع الدهون وكيف ما كانت صعوبتها
ملي كنسالي كنمسح لبوطة بزيف مبلول حتى كنحيد المسحوق كامل
كنمشي لريوس كنحكهم حتى هوما بأجاكس والسلك ونخليهم ينشفو
كنمشي للمجامر كندوز عليهم بجيكس رقيق والصابون البلدي حيت عندي ألمنيوم شوفو كي خرجو كيشعلو
كنغسل الشباكي ونخليهم ينشفو حتى هوما كنرش رشيشة ديال ميسترماصل على الجاجة وعلى البوطة وكنمسح المسحة الأخيرة
وقبل ما نسالي وهاد الطريقة كنديرها كل ما كنغسل البوطة وكتبقى العافية مجهدى بحال لعاد شريت البوطة
وهي عصير الحامض ولي معندهاش تعصر حامضة وديرها
كنخوي الحامض فلبلايص منين كيخرج الغاز حتى كتغطى داك لبلاصة
كنخليها شي جوج دقايق من بعد كنجيب ورق المطبخ وكندخلو فاللبلايص فين كبيت الحامض باش ينشف الحامض لي شاط
شوفو أش كان فالريوص ديال الدهون عليها قيتخنقو ويقلالو
وكنرجع الريوص لبلايصهم هاهما كي شاعلين زرقين ومجهدين
