السلام عليكم و رحمة الله و بركاته
لتنظيف الفضة ناخد بطاطا بيضاء ومقشرو ونطحنها مع الماء نمسح الانية ديال الفضة من الغبرة ونحكوها بها.
لتنظيف الفضة ناخد مسحوق الغسيل ونخلطه مع الارنج وندهن به اواني الفضة ونخليوه حتى ينشفو ونغسلهم ونمسحهم ونحكهم بالنخالة تم بمنديل ناشف.
لازالة الوسخ من القاع ديال القراعي ناخد الخل والحامض والملح ونصب عليهم ماء سخون ونخليوهم مدة من بعد نغسلهم
لتنظيف المصلوح ندهنه بمعجون الاسنان ونخليه ينشف ونشعله يدفى شوية ونحكه ببونجة حرشة
لتنظيف المصلوح وتنقيته من الداخل نعمرو الخزان بالخل ونسخنوه ونرش به هكدا كيتنظف
القصرية الى شريناها جديدة كنغسلها ونخلط شوية الزيت والصابون البلدي ونخلطوهم مزيان بحال بوماد وندهن به القصرية ونخليوها تبات به ونغسلوها بالمسحوق
الى بغينا نظفو طنجرة الضغط كناخد حامظة ونقسموها على زوج ونغمسوها في جافيل ونحكو بها الكوكوط كتولي كتلمع مع استعمال القفازات.
لتنظيف البراد كنعمل فيه طريفات الارنج والماء ونخليوه يغلي كتزول الكحولية اللي في الداخل
