السلام عليكم و رحمة الله و بركاته
موقع بسمة لكل ما يهم المرأة العربية يقدم وصفة لتفتيح الشهية من الاخت
“lolita“
الله يجازيها عنا كل خير سأنقلها كما كتبتها
السلام عليكم اخواتاتي العزيزات اش اخباركم انا غير نلقا شي حاجة زوينة و مفيدو و بالتجريب كنجي كنجري نفيدكم لان الله الي عالم شحال كنبغي الخير للناس و نبغي نشوف كلشي على خير و بخير يا الله هزوا يديكم و ادعيوا معايا ربي يجمع شملي مع الزوج ديالي عاجلا غير اجل و يرزقني الذرية الصالحة و يهدينا و يصلحنا.
اخواتاتي هاد النهار جبتلكم وصفة كتحيد فقر الدم و كتفتح الشهية و بالتجريب بالتجريييييييييب خالتي دايرها دابة كتشربها هي و راجلها غزالة
المقادير
في كوكوط ديال 8 اترو و لا الي عندك ديري كاس حلبة منقي و مغسول حفنة زعتر رابعة عدس زلافة صغيرة شعير بلدي كناكد على شعير بلدي عمري عليهم الكوكوط بالماء سديها ديري السفارو و خليها حتي تطيب العناصر و نخليوها و نطفيوا عليها العافية حيديها من فوق البوطة و خليها حتى للصباح عاد صفيها و عمري المحلول في قراعي ديري في التلاجة و بقاي تشربي كاس في الصباح على الخوا خلي شي قرعة عللى برة باش ما تشربيهش بارد بزاف المهم شربي كاس على الخوا شي نصف ساعة عاد فطري و كاس قبل ما تنعسي راه كيعطيك القوة و الصحة و تيدير فيك الدم و كيفتح الشهية راكم غادين ترتاحو
ما تنساوش امانة عليكم ادعيوا معايا و الى عطيتوها للناس قولهم يدعيوا معايا بزاف الله يجمع شملي مع مولا داري و يطول لي في عمر الوالدين و يسهل لي على خوتي و الله يحفظنا من عين الحاسدين و يحفظ امة سيدنا محمد
في امان الله و السلام عليكم
