السلام عليكم و رحمة الله و بركاته
سميرة مسكينة بقات مقابلة موقع بسمة حتى تحرق ليها الغدا……راجلها العصبي قريب يدخل من الخدمة مسكينة داخت معرفات مدير و لي عارفاه و متأكدة منو ان راجلها غااااااادي يبيع لها لبيسي حيت سبق ليه قالها بلي الا لهاها على شغل الدار
غادي يبيعو………
غادي يبيعو………
كيفاش غادي تعامل سميرة مع الموقف؟؟
واش غادي توادع مع البسي حيث غادي يتباع و بالتالي غادي تقطع علينا خبارها؟؟
او لا غادي تعرف تمتص غضب راجلها العصبي؟؟
اول مادرت سميرة ملي تحرق ليها الغدا مشات تهلات فالحالة واحد
parfum
مخلياه غير لطوارئ حيت متأكدة بلي ميمكلهاش تقنع راجلها الى مكانتش ريحتها كدوخ
ملي قادات حالتها بدات كتصيب فصالاد ديال الزربة و دارت الزيت كتسخن باش تقلي فيها الفريت و الدجاج و لحسن حظها ان دجاج مرقد يعني غادي يكون ساهل ف الطياب
و الزيت كتسخن سي السيد دخل طبعا مشات كتجري ستقبلاتو فالباب و طبعا هو لاحظ الاناقة وريحة لي كتووووخ و داتو سميرة لصالون و بدات كتهضر ليه على الكورة حيت كيحماق عليها دارت ليه الاخبار و قالت لو بلي غادي يهضرو على المنتخب جابت ليه البسي و قالت لو هاد الموقع فيه الجديد د لمنتخب و مشات كتقلي فالفريت
سي السيد لهاتو سميرة و مع ذلك حس بالجوع
سميرااااااااااا جيبي لغدا راه معنديش لوقت
قالت لو ها هو موجود انا جيباه
قالت لو ها هو موجود انا جيباه
خلات الفريت و الدجاج كيتقلاو و مشات كتمسح فالطابلة تمسح و تعاود تمسح و تعاود طبلة نقية مي هي بغات ضيع الوقت و فنفس لوقت توهم راجلها بلي لغدا جاي فالطريق
كترجع لكوزينة كتقلب الدجاج و الفريت و تدي معاها السرابت و الخبز
لي حتا هما كتعطيهم وقت كبييير
باش تقاد سرابت و تقطع الخبز
باش تقاد سرابت و تقطع الخبز
مشات تجيب الماء و فالنفس الوقت كتقلب الدجاج و الفريت مجات تقاد كلشي فالطبلة حتى طاب الدجاج و تقلات الفريت
و جدات الغدا و حطاتو فوق الطبلة و قالت لرجلها اجي تغدا قالها بلاتي نكمل القرايا ديال هاد الموضوع
قالت لو راه مغديش نبقا نتسنا فيك راه جاني جوع و الغدا طايب من قبيلة راه غادي يبرد
و يستمر ذكاء سميرة
