السلام عليكم و رحمة الله و بركاته
موقع بسمة لكل ما يهم المرأة العربية يقدم اسهل و اسرع طريقة لتخمير الخبز
الطريقة من الاخت ام دنيا
السلام عليكم انا اليوم قلت نشارك اخواتتي بطريقتي السريعة في تخميير العجينة و خصوصا مع الحال بارد شحال كتعطل العجينة او الى فقتي معطلة شوية و بغيتي ديري شي بطيبيطات سخان مدهونين بالزيت الزيتون او الزبدة البلدية تفطري بيهم معليك غير تعجني عجينتك عادي الوقت لي غادي تعجني فيه تكوني شعلتي الفران ديالك يسخون و غير عجنيها و ديريها في بواطة مدهونة بالزيت وديريها في شي منديل غليظ شوية و دخليها الفران مايكونش سخون بزاف باش ميتحرقش ليك المنديل و سدي عليها وسيري وجدي اتاي ديالك او قهيوتك ومن بعد طيبيها عادي كتلقايها خمارت غير في ربع ساعة. تقريبا في ساعة لروب كيكون ا لفطور كلشي فوق الطبلة و بالصحة والراحة الفطور و هاد الطريقة كنديرها حتى الكرص و اي حاجة كتخمر. و داعاو ليا مع وليدي راه مريض ليا مسكين عندو الحساسية البرد كيتخنق ليا بالمناسبة لي عندها شي وصفة طبيعية تكتبها ليا نديرها ليه الله يجزيكم كل الخير
