السلام عليكم و رحمة الله و بركاته
موقع بسمة لكل ما يهم المرأة العربية يقدم من وصفات الاخت مونى خبز انجليزي بلفة روسية و بالخطوات المصورة
خبز انجليزي بلفة روسية و بالخطوات المصورة
بسم الله الرحمان الرحيم
والسلام عليكم ورحمة الله وبركاته
غنطرح ليكم خبز رااائع جدا وهو خبز انجليزي باللفة الروسية
على بركة الله
العجين كالتالي
الدقيق الابيض لي هو الفورص وهنا نص كيلو اولا لي بغيتو
وشوية الدقيق الاصفر لي هو الحرشة حيت غير ناخدو فيه كاس صغير
معيلقة ملح
معيلقة خميرة العجين
وخمارة حمراء
2 معالق سنيدة
دانون تاع درهم انا ختاريت تاع الفريز
وديك طاسة تاع دانون نعبر بيها الزيت
بياض بيضة واحدة
وقليل من الحليب
وكاس ماء اولا اقل اولا اكثر المهم حسب الدقيق
صافي نعجنو الكل جيدا وتكووون عجيينة خفييفة وشبة كتشد ف اليد وتدلك جيدا وتدهن بزيت ويدهن الوعاء لي بغيتي تحطيفييه وخليه اخمر جيدا
وهنا خمرات
ونقسمها الى 4 كريات وترش طبعا بالدقيق الابيض حيت راه العجين المس وتترك ترلاتاح غير شي 5 دقائق
وندلك كل كرية وتكون شبه رقييقة ونخليها على جنب وندهنها ب الزبدة المدابة وندلك الثانية ونديرها فوق الاولى وندهنها ب الزبدة ونكرر حتى نكملو الكريات الاربع ونجيبو شي موووول اولا شي اطااار ونقطعو باش نحصلو على نفس المساحة
كما في الصورة
ونقطعوها على 8 متساوية اي 8 مثلثات
وناخد كل مثلث ونشرحوووه من الوسط غير شوية وندخلو الراس ف الفتحة ونخرجوه اي نلفوه كما ف الصورة
ونقلب المثلث ونبدا ناخد كل طرف و نطلعو للفوق كما في الصورة
ونقلبها وندخل الزوايا لداخل
ونديروه ف مووول ونفس الطرييقة لباقي المثلثااات ويمكن تغيير الشكل
ونكبو عليها الزبدة المدااابة
ونخليوها نخمر جيدا باش طلع جيدا ودخل للفرن لتطهى
**انا مخليتها تخمر مزيان حيت تعطلت وقرب المغرب وكنعطي حق لصحاب راجلي وخاص طيب فيساع ولكن راه طلعات ف الفرن**
وهنا شكل نهائييي
وحطيتو مع الفطور تاع البارح
وتاخد كل طريف وتدار ف الطبسييلة وتزين بالعسل وبالصحة والعافية
وبلا منقوليكم المداق راه ولا اروع
في امان الله ورعاايته
