السلام عليكم و رحمة الله و بركاته
موقع بسمة لكل ما يهم المرأة العربية يقدم حلويات عيد الفطر : بلاطو لاشكال عديدة بعجينة واحدة بالصور
حلويات عيد الفطر : بلاطو لاشكال عديدة بعجينة واحدة بالصور
مقادير و طريقة تشكيل حلويات عيد الفطر : بلاطو لاشكال عديدة بعجينة واحدة بالصور
بسم الله مقاديرحلويات عيد الفطر : بلاطو لاشكال عديدة بعجينة واحدة بالصور
رابعة زبدة _2كيسان سكر كلاصي _2كيسان زيت_3بيضات_ خمارة ونصف_ فاني _شوية ملح_8ملاعق نشا_الدقيق حسب الخليط
مقادير تزيين حلويات عيد الفطر : بلاطو لاشكال عديدة بعجينة واحدة بالصور
شكلاط اسود وابيض _ نسلي طايب اي كرميل_ لوز محمرومهرمش _كاجو مهرمش كبير _كركاع محمر وزبيب مقطعين رقاق _عجين اللوز_ماء الزهر_ملون غدائي_نسكافي شوية زنجلان محمر صاين_كاكاو وطحون رقيق_ كاكاو مسوس _ كلاصاج
طريقة تحضير حلويات عيد الفطر : بلاطو لاشكال عديدة بعجينة واحدة بالصور
نخلط زبدة وسكر جيدا تم نضيف البيض والزيت وباقي المقادير الا دقيق غندير منو غير جهد لنتحكم في العجين غتبقى كتلصق في اليد وصور غتوضح اكثر
خليها هكدا على ود ملي تزيدي المكونات لبغتي تنسمي بيها ميكونش عندك مشكل الدقيق زايد وتقساح ليك
نقسم العجين على 6 نسمي باش بغييت و لفيه في بلاستيك و دخليه للثلاجة
الشكل الاول
ناخد جزء من العجين ونضيف عليه نصف زلافة صغيرة زنجلان محمر وصاين لوز محمر وكركاع محمر زبيب مقطعين رقاق كل يدير على حسب الموجود عندو
نصف كاس ماء الزهر+ قرفة
نجمع الكل ونعمل العجين ترتاح منبعد نكورها ونطبعها بقالب المعمول او حسب الرغبة
تطهى ولما تبرد نمررها في سكر صقيل
شكل الثاني
ناخد جزء من العجين ونقسمه الى قسمين واحد نخلوه ابيض والاخر نضيف عليه بودرة الكاكاو ونعملو في بلاستيك يرتاح في ثلاجة من بعد نمدد العجين لابيض ونقطعو دوائرناخد من بعد لعجين الاسود وندير نجمات فوق الدائرة تطهى وتزين بالكوفتير
الشكل الثالث
عجين عادي نقطعو مربعات ويطيب من بعد لصقو كل 2 بالكرميل وندهن الوجه ايضا بالكرميل ونمرر في لوز محمر ومهرمش
الشكل الرابع
ناخد جزء من العجين نضيف عليه نسكافي مدوبة في القليل من الماء (2ملاعق قهوة+قطرة ماء)ونخلط الكل ولحتجيت الدقيق كنزيد وهدا ساري عل كل الاشكال
نورق ونقطع على شكل قلب يطهى يلصق بالكرميل ويزين بالشوكولا
الشكل الخامس
عجين عادي نقطعوه بطابع واحدة عادية والاخرى مثقوبة تطهى وتلصق نعمر تقب بالمربى نزوق حسب الرغبة
شكل السادس
ناخد جزء من العجين ونقسمه الى قسمين واحد نخلوه ابيض والاخر نضيف عليه بودرة الكاكاو نسرحهم بزوج ونحط واحد فوق الاخرونلفهم على بعض وندخلهم للمجمدمن بعد نقطعم بحال لفقاص ويطهى
الشكل السابع
نسرح عجين عادي وتقطعو دائر نلبسو لقوالب المافن الصغار يطهى من بعد نعمرهم باللوز والكاجو وزبيب ولكرميل مخلطن ونزوق بخطوط الشكلاط
شكل 8
ناخدجزء من العجين نضيف عليه ماء الزهر والدقيق اللازم نسرح العجين ونصيب عصي متوسطة من عجين اللوز
لما تطيبو نخلوها تبرد مزيان ونصيبو كلاصاج (بياض بيضة+150 غ سكر صقيل)نضرب البياض في الاول ثم نضيف السكر نستمر في الخفق حتى الحصول على كلاصاج عاقد نغطس فيه الكعكعات ونحطهم يتقطرو وينشفو من بعد نزينهم بخطوط من الكلاصاج الملون وورد بعجين اللوز
شكل 9 حتى حاجا مضييع غنجمعو كل العجين المتبقي (العادي +وعجين شكلاط+عجين نسكافي) ونخلطهم بشكل عشوائي
نسرحهم ونقطعهم بطابع دائري ونقسم الدائرة من الوسط وتطهى من بعد ناخد كاوكاو مطحون +عسل+ بودرة كاكاو ونخلط الكل نصنع حرابل نشكلوهم هلال ونلصقو الحلوة
والنتيجة المحصل عليها بلاطو صابلي منوع بعجين واحد ونكهات متعددة
و بالصحة و الراحة
