السلام عليكم و رحمة الله و بركاته
موقع بسمة لكل ما يهم المرأة العربية يقدم الكاشير بالدجاج بالمراحل المصورة
الكاشير بالدجاج بالمراحل المصورة
مقادير و طريقة تحضير الكاشير من الاخت امونة جزاها الله عنا كل خير
الكاشير بالدجاج بالمراحل المصورة
السلام عليكم الحادكات
البارح صوبت كاشير وقلت اعلاش مانوريهش ليكم وخصوصا انو تيجي رائع والمقادير فالمتناول
والله سنين وانا تندير هاد كاشير نتمنى يعجبكم كيف تيعجبني ههههههههههه
غادي نحتاجو
4 البيضات
غ300 كفتة الدجاج ايلا ماعندكش كفتة الدجاج عوديها ب 2كيسان الروز مسلوق
كاس سميدة رقيقة
نصف كاس زيت
2 فصوص توم
كنور بكري شوية الملح
معلقة صغيرة الكامون
لهريسة حسب الدوق انا تنكتر باش تعطيني احتا اللون
نصف معلقة القزبر مطحون
اللي بغا الملون الاحمر ايديرو انا مادرتوش
تنخلطو كلشي فمولينكس
وها الصور غادة تشرح ليكم
من بعد نديروه فالكاس الخاص بيه راه موجود فالاسواق وغير ب5 دراهم
من بعد انديرو فبرمة فيها الماء ونتقلوا عليه باش ماطيحش القرعة ويخسر لينا المنضر
ونحسبو ليها 45 دقيقة
من بعد انخليوه يبرد مزيان انا تنفضل انخليه ايبات عاد تنكلو تيجي بنين لامانة انا تناكلو ابلا خبز ههههههههههه
وهاهو الشكل ديالو كيف تيجي
