السلام عليكم و رحمة الله و بركاته
موقع بسمة لكل ما يهم المرأة العربية يقدم البسطيلة بالحوت بالخطوات المصورة
مقادير و طريقة تحضير البسطيلة بالحوت بالخطوات المصورة
البسطيلة بالحوت بالخطوات المصورة من الاخت أم اسامة و ايمان جزاها الله عنا كل خير
ليوم نقدم لكم بسطيلة د الحوت لي عملت فالعراضة لصديقاتي
مقادير و طريقة تحضير بسطيلة بالحوت
كيلو غ جمبا ( قمرون ) + 750 غ كلمار + 500 غ هبرة الحوت ابيض نقصت منو شوية للتزيين + 3 حبة طماطم كبيرة حمرا مقطعة مكعبات صغيرة
2 حبات فلفل أحمر مقطعين مكعبات + تقريبا 5 م ك قزبور + 2 أو 3 ضروس ثوم محكوكين + 10 ورقات الرند + 3 م ك تحميرة + 1 م ك كامون + نص م ك إبزار +
نص م ك سكنجبير + ملح حسب الذوق + الحار حسب الذوق ( لذتها تكون شوية حارة لكن ماشي بزاف ) 1 علبة صلصة الطماطم solis أو أي صلصة تفضلوها
2 علب الشعرية الصينية كبار + زيتون أخضر مقطع + نص حامضة مصيرة مزولة ليها اللبابة + الزيت بلدية ورومية + 1 علبة شامبنيون
طريقة تحضير البسطيلة بالحوت
طريقة البسطيلة بالحوت: نعمل الكلمار فالزيت هو الأول ومرة مرة نحرك حتى يبدا يتطرطق غير يبدا يطرطق نعرف انه طاب نضيف عليه الفلفل احمر يدبال ونضيف الثوم محكوك
نضيف القزبور غير تبدا تطلع ريحت الثوم تطلع نضيف التوابل كلها والملح ونخليهم شوية ونضيف مطيشة و الصلصة ونزيد الجهد للعافية
ومرة مرة نحرك هاد العملية كتخلي مطيشة تطيبة بسرعة وتنشف شوية من الما نضيف الكروفيت وطريفات الحوت ونخليهم يطيبو شوية ونضيف الزيتون الشامبنيون ونخليهم شوية يطلقو فبعضهم
نغلي الشعرية الصينية فالماء وحد زوج دقايق ونقطرها ونقطعها بالمقص ونضيفها للخليط ونخلط مزيــــــان
أنا فهاد المرحلة كنحيد الرند كلو ومنين تبرد نلوي البسطيلة بالطريقة العادية ونطيبها في فرن ساخن ونقلبها عاد نقدمها باش كتجي لونها محمر بالعطرية إدا شفتها بقات رطبة بزاف
كنردها لتحت الشواية غير تتقرمش شوية
طرياف د الحوت لي شرملتهم بالثوم والقزبور والتحميرة والكامون ليبزار والملح والحار وشوية د الزيت نعمرهم فقطيبات د الخشب لي سبق رقدتهم فالما ساعتين باش ميتحرقوش
وندخلهم للفران ونقدم بسطيلتي بالصحة والراحة
