السلام عليكم و رحمة الله و بركاته
موقع بسمة لكل ما يهم المرأة العربية يقدم شنو الحل ديال سراق الزيت لي كيطير:
تجمع الاخوات لي كيخافو منو بحالي
مشكيل سراق الزيت موشكييييييييييييييييل و شمن مشكيل شكون ليكيخاف منو بحالي
مغاديش نبالغ لي قلت ليكم بلي مكنخافش فهاد الدنيا من شي حاجة أكثر من الحشرات بكل انواعها و سراق الزيت بحكم انه موجود بكثرة كيسبب لي مشاكيل كثيرة حيت ملي كنشوفو مكنقدرش نتحكم فراسي يعني منقدرش منغوتش و منهربش و منديرش ديك الحالة لي مولفة بها
و إلى شفتو لحمي كيبورش و كنبقا نهار كلو و انا كنتخيل فيه و غير إلا قاسني شعري فعنقي كنقفز يسحابلي هو
و مع ختكم عندها الزهر هههههههه تخيلو ان شهر العسل ديالي راجلي خدا واحد الدار من عند صاحبو الدار زويييييينة و مفرشة مزيااان و فيها جميع وسائل الراحة و فيها داك ولد لحرام ديال سراق الزيت تخيلو ملي اول مرة شفتو فديك دار كنت داخلة للحمام و لقيتو غووووووووووووووووت راجلي مسكين جاي كيجري تخلع معرف مالي كلسنا يومين فديك الدار فينما دخلنا ليها مكنتفرقش على راجلي و لى غير هاز واحد الصباط و كيدور و أنا لاصقا فيه ملي كنشوفو شي واحد مكيعرف مسكين شنو يدير واش اسكتني أنا أو يمشي يقتل سراق الزيت واضطر راجلي ابدل الدار و كرينا وحدة خرا باش نكملو شهر العسل حيت حرموا علينا داك الويل فديك الدار
دابا الصيف و هاداك لي كيطر كيدخل من شراجم و من المستحيلات نكلس انا و سراق الزيت فنفس المكان خاصة انني ملي كنبغي نهرب منو إلى مشيت ليمين حتى هو كيدوز ليمن و ألا مشيت ليسر حتى هو نفس الشيء يعني كيكون قاصد يخلعني
مكنقدرش نقتلو و مكنقدرش حتى نقرب جيهتو واحد المرة شفت واحد ميت دفلت عليه حشاكم و كلت ليه كنكرهك و هزيت واحد الصندالة و ضربتو و بديت كنكول مع راسي دابا تجيني فاميلتو تبغي تنتاقم و أنا مااااااااااااااشي قدهم ومنقدرش عليهم هههههههه
و من خلال موقعي المتواضع كنطلب من جميع الاخوات يعطيوني شي حل ل سراق الزيت لي كيطير
معمري بخلت عليكم بشي حاجة حتى نتوما متبخلوش عليا
و لي كتخاف منو بحالي تشارك معنا و لي شجاعة تشجعنا نحن الخوافات
