السلام عليكم و رحمة الله و بركاته
موقع بسمة لكل ما يهم المرأة العربية يقدم كراتان بالبطاطا و الكفتة مع طريقة تقديم رائعة
كراتان بالبطاطا و الكفتة مع طريقة تقديم رائعة
مقادير كراتان بالبطاطا و الكفتة
رابعة الكفتة
بصلة مشلضة
3 فصوص توم محكوكين
معدنوس مقطع
2 اورق ديال الحبق
ملح
بزار
قليل من تحميرة
زيت بلدية
مطيشة 1 مقطعة
نشحر البصلة والتومة في زيت بلدية تم نضيف ليها الكفتة ونخليها تتشحر مزيان
تم نضيف المطيشة والعطرية 
من بعد ميتشحرو نزيد عليهم المعدنوس والحبق وقليل من الهريسة نديرو بحساب البزار للي عملنا في الاول
ونطفي عليهم
وهنا سلقنا 5 بطاطات متوسطين مع الملح
صفيهم ومعسيهم مع 2 فرماجات و2 بيضات
من بعد ناخد المول
انا هنا عندي الحجم الصغير باش يجيني الكراتان طالع
كندهنو مزييييييييييييان بالزبدة ناكد انه لآآآآزم يتدهن مزيان
ونرش عليه الخبز يابس المدقوق
ونعمل طبقة اولى من البطاطا
تم طبقة من الكفتة و فوقها فرماج سندويش
تم نزيد باقي البطاطا للي بقات لينا ونقادوها ونرش لاشابلور فوقها وندخلها للفران يكون سخون
من بعد
نخلوها تتدفى شوية وندوزو الموس على الجناب ونقلبها في طبق التقديم ولكن غير بشوية
وتزين حسب الرغبة
ممكن دهنيها بالمايونيز
وزينيها بالكيتشوب ووريدات ديال كاشير وفرماج سندويش والمطيشة الصغيرة
وفرماج غرانا محكوك
