السلام عليكم و رحمة الله و بركاته
موقع بسمة لكل ما يهم المرأة العربية يقدم حلويات العيد 2013 : حلوة النمر شكل جديد بالصور
حلويات العيد 2013 : حلوة النمر شكل جديد بالصور
من الاخت امال جزاها الله عنا كل خير
عجينة حلوة النمر
600 غ طحين
150 غ زبدة دايبة
ماء زهر وشوية دالماء + الملونات الاصفر والبرتقالي والبني : درت الشكلاط الاسود
ونديرو 500 غ لوز + 200 غ سنيدة مطحونين 2 مرات + كاوكاو الابيض مطحون مرة وحدة مع السنيدة عاد محمر في كاسرولة + الكراميل
طريقة تحضير حلوة النمر بالصور
ناخدو الطحين نزيدو عليه الزبدة دايبة ونرملوه من بعد ندوزو الطحين في الغربال عاد نزيدو شي قبيصة دالملح والماء زهر وشوية دلماء
طريقة تحضير حلوة النمر
كنجمعو عجين حلوة النمر
ونقسمو العجين على ثلاثة واحد بالاصفر يكون كبير والخرين متساويين
و نزيدو الملونات عاد ندخلوها للثلاجة ترتاح 20 دقيقة
أما اللوز(طحنت ل500 غ كلها ولكن خديت غير القدر للي بغيت)
و نخلطو اللوز مع كاوكاو لي كيتباع بلا قشرة ونطحنوه عاد نحمروه ونزيدو عليه معلقة كبيرة ونصف كراميل باش جمعت الخليط كيجي مذاقه رائع
كنسرحو العجينة الصفراء ونحربلو البرتقالية اما السوداء كنسرحوها على شكل طولي
كنديرو العجينة البرتقالية وسط السوداء ونحربلوها ونقطعوها
نستفوها فوق العجينة الصفراء على هاد الشكل
نديرو فوقها بلاستيك غذائي وندلكوها بالمدلك
نقلبوها للجهة الاخرى بحيث يكون البلاستيك الغذائي لتحت ونحشيو الحلوة بحشوة اللوز وكوكاو
كنقطعو العجينة على شكل دوائر و نجمعو الاطراف ديالها ونشكلو حلوة النمر ندخلها الطيب مخصهاش تحمر ندهنها بالناباج ونديروها في كويغطات
و بالصحة و الراحة
