السلام عليكم و رحمة الله و بركاته
موقع بسمة لكل ما يهم المراة العربية يقدم طريقة تحضير العسل بالتمر
طريقة تحضير العسل بالتمر
هذه الطريقة من الاخت رميساء جزاها الله عنا كل خير
مقادير تحضير عسل التمر
كمية التمر حسب الرغبة هنا استعملت الاخت رميساء 4 كيلو من التمر
طريقة تحضير عسل التمر
نديرو التمر في طنجرة كبيرة ونزيدو عليه الماء مزيان ونديروه إطيب على عافية متوسطة
وفاش إبدا إدير الكشكوشة نحيدوها بالمعلقة
من بعد نوجدو شبكة ونديرو تحت منها زيف نقي ونبداو نهزو التمر بالصفاية ونمعكوه مزيان بالمعلقة ولا باليد ومن بعد نهزو الشبكة وناخدو الزيف نلويوه ونبداو نعصرو حتى إخرج السائل ديال التمر
ونردوه فوق البوطة باش إتعسل وفاش إبدا إغلى نحيدو الكشكوشة لي كطلع الفوق بالمعلقةومني إوجد ويبرد نديروه في قراعي معقمة
وبالصحة والراحة كيجي مذاقو رائع وصحي في نفس الوقت
بالنسبة معجون التمر لي بقا في الشبكة حيدت منو العضم ودرتو في العصير
