السلام عليكم و رحمة الله و بركاته
موقع بسمة لكل ما يهم المرأة العربية يقدم كوفتير روعة لي داقو ميعرفش باش مصايب
موضوع للاخت: السعدية جزاها الله عنا كل خير
كوفتير روعة لي داقو ميعرفش باش مصايب
اليوم ولاول مرة نصاوب شي كونفتير بوحدي و منقوليكمش كيف جا واحد المداق و واحد اللدة يا ســــــــلام اللي ماعارفش ديالاش ما يطيحش لو فبالو راهو ديال ؟؟؟؟؟؟
هههه شكار راسو داز من هنا
ايوا بلا ما نطول عليكم نخليكم مع المقادير
القرعة الحمراء اللي مولفين نديرو فسكسو
شوية القرفة عواد
شوية الكوزة
الكركاع
الزيت
سنيدة
ما عطيطكومش المقادير مظبوطين حيتاش مايحتاج قداش ما بغيتي ديريه
الصور توضح كلشي
تناخدو الكرعة و تنفوروها فالكسكاس مع لعواد ديال القرفة
و من بعد فاش تتفور تنزولو عواد القرفة و نحكو عليها شوية الكوزة و نزيدو ليها سنيدة و الكركاع مهرمش و الزيت
انا هاداك شوية د لكرعة تقريبا كيلو درت ليه كاس د لعنبة ديال الزيت
و تنخلطو كلشي و نديرهم فوق النار مع التحريك المستمر من الاحسن بوطاكاز صغيرة و كلسي بقاي حركي هههههه حيتاش تتبغي الوقت
بقاي حركي حتى يتبدل ليها اللون و تحمر تكون بال هاكة
و دابة ديريها فشي صفاية و خليها ليلة كاملة حتى تصفى منها الزيت
ايلا شفتيها ما خرجاتش منها الزيت راه تكون باقي خاصها الطياب رجعيها فوق النار عاوتاي حتى تزيد الطياب شوية و حتى ايلا جات مسوسة زيدي ليها سنيدة و رجعيها طيب مع التحريك المستمر طبعا
و قدميها بالطريقة اللي بغيتي وزينيها بالكركاع
