السلام عليكم و رحمة الله و بركاته
موقع بسمة لكل ما يهم المرأة العربية يقدم حلويات الصابلي : اربع اشكال رائعة من صابلي بعجينة واحدة
حلويات الصابلي : اربع اشكال رائعة من صابلي بعجينة واحدة
من الاخت ليلى ام سارة جزاها الله عنا كل خير
لتحضير عجين الصابلي نحتاج الى
رابعة الزبدة +بيضة+ نصف رابعة سكر كلاصي +الدقيق حسب الخليط
طريقة تحضير عجين الصابلي
جمعت العجين وقسمت منو جزء هو للي غنعمل بيه هاد النوع الاول من سابلي
سرحتو بالمدلك على شكل دائري من بعد حطيتو في مول للي كيتحل وللي درت فيه ورق الفرن
من بعد نحتاج مقادير الكراميل
كاس سكر سنيدة+ربع كاس عسل +ربع كاس قشدة طرية+2معالق كبار زبدة+2 كيسان عنبة لوز مهرمش
ناخد السكر نعملو في كاسرونة نخليه تايدوب وبدا لونو يتبدل للذهبي
نزولو من فوق العافية
ونظيف ليه بسرعة الزبدة والعسل والقشدة واللوز نحرك مزيان
ونرجعو فوق العافية حتى يتكرمل يعني نحسو بيه تعسل مزيان
من بعد نخلوه يبرد شوية ونسرحو فوق العجين
وندخله للفران يطيب 20 دقيقة
من بعد نخلوه يبرد شوية ونقطعو على شل مستطيلات
وهنا زوقتو بالشكلاط
سابلي الطابع
العجين للي بقات عندي من قبل زدت عليها قليل من الخميرة ديال الحلوة
سرحتها بالمدلك
وطبعتها بهاد الطابع
من بعد دخلتها للفران تطيب
الشكل الاول لسقتو بالشكلاط الاسود ديال القرعة
وزوقتو بعود ديال الاسنان كيف ماباين في الصورة
خديت لوز للي بقا ليا من المقادير الاولى ضفت ليه لون اخضر
ونحتاج الكوك
دهنت سابلي للي مثقوب من الوسط بالعسل وبديت كنزوق فيه كيف باين في الصورة
درت الاولى فيها اللوز
وللي حداها كوك وبقيت تا كملت الدورة من بعد لاسقتهم بكونفتور التوت
الشكل الرابع
خديت العجين للي بقات قسمتها على 2
الاول خليتو عادي
والتاني لونتو بالشكلاط غبرة
سرحتهم بالمدلك المشرط
طبعتهم بكاس العنبة ودخلتهم للفرن
من بعد لسقتهم بالعسل
وهادو الاشكال النهائية
و بالصحة و الراحة
