السلام عليكم و رحمة الله و بركاته
موضوع للاخت : stranger_girl
موقع بسمة لكل ما يهم المرأة العربية يقدم لواسي جاو على غفلة شوفوا أش خرج معايا
جوج مرات كدار بيا هاد ليمات من لواسي قليك الزيار كيخرج الافكار وحتى الابتكار ياك ههههههههه
إوا اش غادي نقول ليكوم جالسة حالة فمي فالنت قلت صابح غير السبت الراجل مخدام بلاتي على العشاء إوا حتى لديك 9 نضت جبدت واحد النوع ديال لي باط محشي بالفرماج كيتشرى واجد بحال رافيولي غير هدا مطايبش 10 دقايق وها هوا واجد زعمك الفهامة شطايرية ههههههههه يلاه درتوا إتسلق وهو إصوني الباب أويلي شكون خوت راجلي عزارا جاو للعشاء (صيفتو لخوهم مساج ومشافوش) واخا زعمك هما ديما جايين عندنا يعني لي لقاوه يكلوه غير انا مولفاهم ديما الجديد و الزواق هههههههه والمشكل مكيكلوش اللحم فجتغيان أما يدلي نرد غير كوكوت ديال اللحم بالبرقوق على قول أم آية هههههههه
إوا نخليكم مع العشاء ديال الزربة
صورت كلشي فدقة وحدة درت لكل واحد طبسيلوا جمعت فيه كلشي ودرت بيتزات بالتوست
ليباط : سلقتهم فالماء و الملح و درت بصلة مشلضة رقيقة مع الزبدة تشحروا شوية ودرت فوقهم ليباط من بعد متسقطروا مزيان وخويت عليهم كريم فريش و الزعتر و شوية الملح وبزار
الديسير :درت الفواكه مقطعة صغيرة وضفت عليهم بتي يوب فريز ديال يوبلي وهداك لابيش ديال لكلاص جابوه معاهم قسمت منوا وحطيت لكل واحد طريف وزوقتوا ب الشنتييي
اما هاد الديسير كما كتشوفوا درت الفلان ومن الوسط درت كلاص الفاني مع الكورن فليكس شكلاط شفتوا اش خرج معايا راه غير لي جات قدام عيني نرونها ههههههههه
إوا نتمنى هادشي اعجبكم
الحمد لله الذي رزقنا هذا من غير حول منا و لا قوة
اللهم أدمها علينا نعمة و احفظها من الزواال
بالصحة و الراحة
