السلام عليكم و رحمة الله و بركاته
موقع بسمة لكل ما يهم المرأة العربية يقدم البسطيلة بالكبدة بالخطوات المصورة
البسطيلة بالكبدة بالخطوات المصورة
هاد البسطيلة للاخت : djasmin 85
هادي البسطيلة د لكبدة لكنت قلت انني غنحطها من بعد ما حطيتها ف العرضة لدارت أختي و وراتني الطريقة غي ف skype ههههه و درتها
الكبيدة الهشيشة ههههه أنا درت كيلو إلا ربع بنسبة اللاطه ديالي و نص كيلو دلكفتة
(لي بغات ديرها كبيرة بحل د ختي هي دارت فيها كيلو و ربع د لكبدة و كيلو د لكفته)
كحتجو ورقة د البسطيلة بالنسبة لي أنا هنا ف كندا هادي هي لي موجودة مكبيراش بزاف أما بالورقة د العبار غتجي أحسن أكيد
فيرمسل
بصلة شي 5 د قوقات ولا 6 هههه
فرماج محكوك
و لفرماج د sandwich
مطشة د الحك
عطرية
طريقة تحضير البسطيلة بالكبدة
كنوجدوهة على ثلاث مراحل
المرحلة الاولى
كنشد الكبدة كنسهذها شوية ف لعافية بش متبقش كتزلق بش تساعدنا ف لخدمة أنا حيت معنديش العافية هنا ههه sahadtha غي ف لمقلة طراف كبار شوية
كنوجد شرمولة كتكون من ربيع قسبر و معدنوس قسبر أكتر شويي د توم بزار تحميرا كمون خرقوم زويتة بلدية شوية د الحار و كنشرملو بها لص tranches د لكبدة
من بعد كندوزها ف لا chaplure
و من بعد كنقليوها
المرحلة الثانية
كندير بصلة طيح ف زبيدة علا النار و نزيد عليها ديك الكفتة و نديرلها العطرية كما معروف كنشرملوها ف لعمارات و نحطوها على جنب
كندير الفيرمسل ف لما طيب تسلق شوية و نحيدها تستقطر بش مايبقاش فيها لما
كنشد جون بصلات أو كتر إلى كانوا صغار شوية كنتيحهم ف شوية د زيت بلدية أو رومية و ندير العطرية مزيان ملح و بزار و تحميرا و شوية د الحارو واحد كنور د البقري و شوية د مطشة د الحك و نزيد عليها الفيرمسل و إلى بغينا شويي د لكفتة غير chi طريفات بش تنسمهة بريحة اللحم
مكنخلطوش الفيرمسل مع الكفتة كاملة كل حاجة كتبقى بحدها
المرحلة الثالثة
هي د جميع د البسطيلة
كنفرش اللاطة بالورقة كما معروف او كما بين ف الصور كنعمر تبقى الاولى بالفيرمسل تبقى غليضة كنديرو الفيرمسل تقريباً كاملة كنخليو منها غي شوية غندره من بعد
بالنسبة للبنات لي كيعرفوش طريقة طي البسطيلة غادي نفسر ليهم
اولا كنفرشو ارواق البسطيلة فالجوانب اي نصف الورقة فلاطة و النصف الثاني خارج لاطة حتى تغطة لاطة كوووووولها و انا كندهن بالزبدة باش عاد ندير ورقة او زوج لوسط فقاع اللاطة
تم كندير طبقة د الكفتة
تم كندير طبقة د الفرماج د sandwich
تم كندير طبقة د الكبدة كنقطعها طراف صغار أنا أو كما بغيتوا نتوما من بعد كنحك شوية د الفرماج العادي ا أنا كان شاطتلي واحد بيضة مسلوقة حكيتها حتى هي هه
تم كندير طبقة أخيرة د دكشي ليبقى د الفيرمسل بش يجي هو ف الأخير مايجيش الفرماج houwa ألاخير بش ميلصقش على الورقة
تم نجمع جوانب الورقة و كل ورقة كنطويوها كندهنوها بالزبدة كل وحدة و كنغطي من فوق ب جوج ورقات و نذهنها بصفار البيض
تم إلى الفرن تبقي عاسة عليها متفوتيش 15 min اولا غي 10 min
و بالصحة و الراحة
