السلام عليكم و رحمة الله و بركاته
موقع بسمة لكل ما يهم المرأة العربية يقدم تجربة احدى الاخوات في ازالة الشعر
تجربة احدى الاخوات في ازالة الشعر
السلام عليكم البنات
اوا كتعرفو الاحراج الكبير اللي كيسببو لينا الشعر الزائد واللي معقد اغلبية البنات و المتزوجات و انا كنت واحدة منهم ما خليت ماكينة ديال الحسانه اوا الكريمات غلبوني و قهروني دريه اليوم غدا ينوض شعر مشوك خديت طريقة ديال الحلاوة من المنتديات و ما كتصدقش ليا مرة واحدة صدقات جربتها ولكن حارة بزاف زيد عليها الدنيا اللي كرفست حتا واحد النهار والاخت الله يجازيها بالخير نصحتني بشراء واحد لاسير مصايبة مشيت عند مول المكياج خديت هاد الكرتوش ب 13 درهم هاهي صورتها
وخديت معها حتى الورق الخاص بازاله لاسير
من بعد سخنت الكرتوش مزيان يعني كديري كاسرونه فيها الما و كتحطيها واقفه عنداكي يدخل ليها الما راه غادي تفسد ليك و اللي عندها اله تسخين خاصة بلاسير تستخدمها اوا من بعد خديت شويا ديال الرماد و بقيت كنحكو على رجلي شي 5 ديال الدقايق حتى حسيت بالشعر ولا كيطيح بوحدو عاد دهنت لاسير غير منطقه صغيرة باش نتحكم في الشعر و حطيت عليها الورق اللي سبق قطعتو حتا هو طراف و حيدت الشعر بكل سهولة و بدون الم
كل ما سخنتي الكرتوش مزيان كل ما ازاله الشعر كانت سهلة و بدون الم الا كانت باردة غادي تقسحك غير هو الاستعمال الاول غادي يطلع ليك الشعر بعد اسبوعين الاستعمال الثاني ما غاديش تشوفي الشعر الا بعد شهر و غادي ينوض خفيف و مفرق و مع الرماد غادي يبداو شي شعيرات بالتوقف النمو نهائيا
اوا شفتو طريقة سهلة بامكان كل واحدة و غير في الدار و غير مكلفة و الاهم انك غادي تحصلي على بشرة ناعمة والله كل ساعة غادي تبقاي تمسي في رجليك هههههه
