الباسطا بفلان وصفة سهلة ورائعة جدا

السلام عليكم و رحمة الله و بركاته

موقع بسمة لكل ما يهم المرأة العربية يقدم الباسطا بفلان وصفة سهلة ورائعة جدا

الباسطا بفلان وصفة سهلة ورائعة جدا

من الاخت : ام اسامة و ايمان جزاها الله عنا كل خير

مقادير الباسطا بفلان وصفة سهلة ورائعة

العجين :
2 كيسان دقيق = 170 غ

2 بيضات
2 م ك سكر = 40 غ
1م ك زبدة = 40 غ
م ص خميرة الحلوى = 5 غ

مقادير التفاح : 4 حبات تفاح محكوك + نصف كأس ماء + م ك قرفة + 2 م ك سكر

مقادير فلان : 1 ليتر ونصف حليب + 5 فلان شينو + 5 م ك سكر أو حسب الذوق

طريقة تحضير الباسطا بفلان وصفة سهلة ورائعة جدا

اولا نعمل التفاح محكوك في مقلات ونضيف السكر والماء والقرفة ونخليه يطيب حتى ينشف

طريقة العجين : نطرب البيض مع الزبدة والسكر غير حتى تدوب الزبدة ومندخلش الهوا للخليط

ثم نضيف الدقيق والخميرة ونخلط وندهن صينية الفرن بالزبدة هادي قطرها 38 سنتيم

بنعمل فيها الخليط وتسعو شوية خاطركم معاها

العجينة كتجي رقيييية ندخلها لفرن ساخن مسبقا على 180 درجة

غير تنشف شوية ونخرجها ونضيف عليها التفاح لي طيبنا ونردها للفرن تكمل طيابها مكتاخدش وقت بزاف

منين نخرجها نخليها تبرد ونوجد الفلان بالطريقة العادية بلا مانخليه يغلي يوصل تقريبا لدرجة الغليان

ونخويه فوق على الباسطا فوق م ك باش ميثقبش العجين والتفاح وندخلها للثلاجة تبرد مزيان

منين تبرد نقطع أشكال حسب الرغبة أنا هنا عملت مرشم دائري مشرف والمستطيلات قطعتهم غير بالموس

ينتهم بشرائح من المشماش اليابس ونصف عنبة وشكلاط محكوك لي فيهم العنب عملت فوقهم شوية النباج باش يعطي لمعة

والمستطيلات عملت فوقهم شكلاط محكوك ورشيشة من السكر بودرة

نتمنى وصفتي تنال إعجابكم وتجربوها وأمانة عليكم لا تنسوني من صالح دعائكم ولكم بالمثل بحول الله