حلويات العيد 2014 : بشكل جديد و راقي بالخطوات المصورة

السلام عليكم و رحمة الله و بركاته

موقع بسمة لكل ما يهم المرأة العربية يقدم حلويات العيد 2014 : بشكل جديد و راقي بالخطوات المصور

حلويات العيد بحلة جديدة و جميلة

مقادير و طريقة تحضير حلويات العيد 2014

مقادير حلويات العيد 2014

الشكل الاول من حلويات العيد

غريبة اللوز إفيلي

غريبة اللوز باللوز ايفيلي

كيلو لوز ممسوح و مطحون+ 750غ سنيدة+ 9ابيض البيض + 2معالق كبار كونفتير المشمش+ 250غ لوز ايفيلي للتفناد كنخلطو جميع المقادير و تبات ليلة كاملة فالثلاجة…نفزكو يدينا بشوية د الماء لان الخليط كيتلصق و نعملو كويرات قياس كركاعة و نفندوهم فاللوز ايفيلي و نزلوهم فالطاوة مغلفة بورق السيلفيريزي باش ما يلصقوش…نبسطهوم غير شوية الى الفرن ….هاد الحلوى كتجي لذيذة بزاف…مقرمشة و معلكة من الداخل

الشكل الثاني من حلويات العيد

حلوى التمر

الكل كيعرفها كيختلف غير الشكل…انا هنا عملت 250غ زبدة+كاس كبير سكركلاصي+1/2كاس صغير ماء الزهر و 12كيلو تمر معجون نسموه باش بغيتو+م كبيرة زبدة و شوية ماء الزهر… عملت حربول طويل معمر بالتمر و نقشت واحد الجانب بالنقاش اللي مقوس و نقشت الجانب الاخر في الاتجاه المعاكس و قطعت …نعملوهم يطيبو …و نزين الجوانب باللو مهرمش محمر و شوة السكر جلاصي للوجه.

الشكل الرابع و الخامس و السادس من حلويات العيد عبارة عن صابلي بشكل جديد و راقي

صابلي 2014

الصابلي عجينة وحدة بالكاكاو و نكهة القهوة…كيجي لذيذ.مقرمش و هشيش.. انا عملت 250غ زبدة +1/2 كاس زيت 2م كبار كاكاو +م كبيرة قهوة+ 2م كبار نشا +بيضة و الطحين لجمع الخليط عملت 3 اشكال…واحد مزين بالشكلاط…واحد شكل الوردة بعجينة اللوز و اللوز مهرمش محمر و ندهنوه بشوية دالزيت و هو سخون مع شوية الكاكاو باش كيلصق فيه…الشكل التالت بعجينة اللوز و الكراميل

عجين اللوز..150غ لوزمقشر و منشف فالفران و مطحون مع 150غ سكر كلاصي و نجمعوه بالكليكوز و نعجنوه مزيان و نعملوه فميكة باش ما ينشفش.

هاد المول كنرشوه بشوية السكر الكلاصي او نشا باش ما يلصقش لنا الشكل