السلام عليكم و رحمة الله و بركاته
موقع بسمة لكل ما يهم المرأة المغربية يقدم الرغايف المغربية
مقادير و طريقة تحضير الرغايف المغربية
من الاخت ام دعاء جزاها الله عنا كل خير
مقادير الرغايف المغربية
زلافة الدقيق
شوية ملح
معلقة كبيرة الزيت
ماء دافي للعجن
طريقة تحضيرالرغايف المغربية بالصور
نخلطو الدقيق مع الزيت وشوية الملح ونعجنو بالماء الدافي ندلكوها مزيان حتى ترطاب نشكلو منها كرة ندهنوها بشوية الزيت نوضعوها في بلاطو نغطي عليها ببلاستيك ونخليوها ترتاح مزيان
من بعد نطلقوها حتى تولي رقيقة نحاولو متتقبش لينا العجينة باش يجيونا رغيفات منفوخين نطويها على 4 بحال لمسمنة وبين كل طوية وطوية نرشو الزيت
ونغطيو عليها مرة أخرى ونخليوها ترتاح باش دغيا تطلق لينا
من بعد نطلقوها ونقطعوها مربعات صغار بالجرارة كيفما واضح في الصورة
نقليهم في يزيت سخونة
ثم نوضعوهم في صفاية يتسقطرو حتى نساليو
نطفيوهم في العسل الدافي نضيفو ليه شوية ماء الزهر
ثم نرشو فوقهم الزنجلان
و نقدمهم الرغايف بالصحة والراحة
