السلام عليكم و رحمة الله و بركاته
موقع بسمة لكل ما يهم المرأة المغربية يقدم كيك ملفوف بالنوتيلا
كيك ملفوف بالنوتيلا
مقادير و طريقة تحضير كيك ملفوف بالنوتيلا
مقادير كيك ملفوف
5 بيضات
غ140 سكر سنيدة
غ100طحين فورص
ملعقة كبيرة عسل
فانيليا
نوتيلا
سكركلاصي للتزيين
طريقة تحضير كيكة ملفوفة بنوتيلا
قسمت البيض البياض بوحدو والصفار بوحدو
طربت بالطراب الكهربائي الصفار مع غ140سكرومعلقة العسل والفانيليا مزيان خاص السكر مايبقاش يبان وتولي عندنا كريمة ثقيلة كتشبه الكريمة
وطربت البياض حتى ولى بيض بحال الثلج
زدتو على كريمة الصفار وأنا كنخلط غير بشوية من التحت للفوق منين نساجمو مع بعض زدت 100غرام ديال الطحين وأنا كنخلط بنفس الطريقة باش ما تتكونش ليا فقاعات ديال الهوا وتهبط ليا العجينة
خديت لاطة غطيتها بورق الزبدة وخويت عجين الكيك حاولت نقادو باش نحصل على شكل مستطيل
دخلتها للفران سخون على حرارة عالية 220 وخليتها 10دقايق حيدتها دردرت على الوجه ديالها وهي باقة سخونة شوية سنيدة وغطيتها ببلاستيكة باش ترجع عليها السخونية وتبقى رطبة منين تبراد
قلبتها عى جهة الأخرى ودوزت على ورق الزبدة منديل فازك وحديت ورق الزبدة بمنتهى السهولة
رجعت قلبتها على الجهة المرشوشة بسنيدة حيدت البلاستيكة ودهنتها على العرض بنوتيلا بلا مانوصل للجوانب
لويت ال كيك غطيتها ببلاستيكة ودخلتها للثلاجة شي نص ساعة بينما بردات نوتيلا
منين دازت نص ساعة جبدتها ورشيتها بشوية سكر كلاصي
نزينها بالفريز
الوصفة من الاخت : بناتي سر حياتي جزاها الله عنا كل خير
