السلام عليكم و رحمة الله و بركاته
موقع بسمة لكل ما يهم المرأة المغربية يقدم مسمن على شكل وردة مورق و معمر
مسمن على شكل وردة مورق و معمر
للاخت ام ملاك جزاها الله عنا كل خير
مقادير عجين المسمن على شكل وردة
مقادير العجين
كيلو الطحين الفورص
لخميرة ديال الحلوة من فئة 14g
2 معالق زيت أو جوج معالق زبدة
3 معالق الخل ، على فكرة الخل كيجب المسمن هشيش ومورق
الملح
تعجن بالماء
طريقة تحضير مسمن على شكل وردة
تعجن جميع المقادير وتضلك مزيان وتكون شوية خفيفة بحال عجين المسمن العادي وتدهن بالزيت ونديروهة ف بلاستيكة ونخلوها ترتاح .
حشوة مسمن على شكل وردة
مقادير الحشوة
2 بصلات مشلضين رقاق
فلفلة حلوة حمرة وفلفلة حلو, خضرا مقطعين رقاق
2 خيزوات محكوكين
1 كرعة خضرة محكوكة
2 معالق مطيشة
الطون أنا ستعمل الطون الحار ولكيبغي لهريسة أديرها
التوابل ،الملح القليل من الابزر والخرقوم
بيضة لدهن
نديرو كلشي ف مقالات مع 2 معالق زيت حتى أتشحرو ونتبلوهم بالتوابل المدكورة وف الأخير نزيدو الطون
هى الحشوة ديالنا واجدة
الطريقة مشروحة بالصور
ملي ترخف العجين نعملو قرصات صغار ونسمنوهم بلزبدة مدوبة ونعملوهم بحال المسمن العادي ديال ربعة وملي نكلملو الكل
ناخدوالمسمنة الولى ونبسطوهة شوية
وملي نعمرو المسمن
ونجمعوه على شكل وردة
نهزوه ونحطوه ف طاوة مدهونة وف الطاوة نحولو نبسطوهم شوية ونحلو الجناب باش تبان الحشوة
ونذنوهم بالبيض وندخلوهم الفران
و بالصحة و الراحة
