السلام عليكم و رحمة الله و بركاته
موقع بسمة لكل ما يهم المرأة المغربية يقدم حلويات الطابع : حلوة الطابع المقلية بالصور
حلويات الطابع : حلوة الطابع المقلية بالصور
للاخت : ناشدة سبيل جزاها الله عنا كل خير
اليوم وجدت حلوة ساهلة بزااااف .. مقرمشة .. بنينة و كتخرج بزااااااف ههههه هاد المقادير كيعمرو طبسيل
مقادير حلويات الطابع : حلوة الطابع المقلية بالصور
2 كيسان حليب
1 فاني
بيضة
الدقيق ( خاصها تكون ثقل من عجينة البغرير ) أنا كنستعمل ما بين 2 كيسان و 2 كيسان و نصف ( على حسب نوعية الدقيق )
ملح
طريقة تحضير حلويات الطابع : حلوة الطابع المقلية بالصور
كنطرب كلشي مزيان فالطراب الكهربائي وكنخويها فشي حاجة غارقة
كنعمل الزيت يسخن .. مني يسخن كنخشي فيه الطابع
كنحيدو من الزيت .. كنسقطرو بسرعة و كنعملو فالعجينة وهو سخون ومباشرة للزيت
غير ما خاص العجينة توصل ليه حتى الفوق يعني ما نغطسوش الطابع كامل .. يبقى الفوق ديال الطابع نقي باش مني نديروالحلوة فالزيت دغية تزول
ايلا كان الطابع من نوعية جيدة غير كنعملوه فالزيت الحلوة كتنزل غير بوحدها للزيت
ايلا كان نوعية عادية خاصنا ضروري نعاونو بالفورشيط .. يعني نحاولو نزولو الجناب
على العموم هي دغية كتطيب
كنعملوها فوق الورق النشاف
من بعد كنغبروها كلها بالسكر كلاصي
و بالصحة و الراحة
