السلام عليكم و رحمة الله و بركاته
موقع بسمة لكل ما يهم المرأة المغربية يقدم كرتان المقرونية و البيشاميل
كرتان المقرونية و البيشاميل
مقادير و طريقة تحضير كرتان المقرونية و البيشاميل
من الاخت ليلى ام صلاح الدين جزاها الله عنا كل خير
مقادير كرتان المقرونية و البيشاميل
الكفتة او ممكن استعمال الطون + البصلة + مطيشة ديال الحك + المقرونية + فلفلة حمرة مقطعة رقيقة
الزيت + الملح + الإبزار + الخرقوم + الفرماج الاحمر محكوك + لاصوص بشاميل( 2 معالق زبدة كبار و 2 معالق دقيق و نص لتر حليب و شوية ديال الكوزة محكوكة و2 فرمجات و الملح وشوية ديال الابزار)
طريقة تحضير كرتان المقرونية و البيشاميل :
تنوضع شوية الزيت ونقليو فيه البصلة من بعد نزيدو الفلفلة مقطعة و من بعد نزيدو الكفتة و إلا ستعملنا الطون نخليوه حتى الاخير و نضيفوه و نحركو فوق عافية مهيلة
ثم نضيف مطيشة و شوية الملح و الخرقوم و الإبزار وشوية ديال الماء ونخليو حتى تطيب الكفتة ونطفيو البوطة
نسلقو المقرونية مع شوية الملح وملي طيب نقطروها من الماء ونخلطوها مع لاصوص ونديروها فمول تايدخل للفرن ونخويو لاصوص بشاميل و من بعد نديرو الفرماج محكوك
و ندخلوها الفرن حتى تتحمر و طيب و نقدموها بالصحة و العافية
