السلام عليكم و رحمة الله و بركاته
موقع بسمة لكل ما يهم المرأة المغربية يقدم كيكة بطريقة جديدة و مبتكرة
كيكة بطريقة جديدة و مبتكرة
من الاخت صفاء ام وليد جزاها الله عنا كل خير
السلام عليكم , شخباركم البنات لباس عليكم , نتمنى تكونو في احسن الاحوال .
درت واحد الكيكة بشكيل جديد و قلت نشارك بها , ممكن ديرو الكيكة المعتمدة عندكوم , انا فهاد الكيكة درت
مقادير كيكة بطريقة جديدة و مبتكرة
6 بيضات
كاس يوغورت
نفس الكاس, درت كاس و نصف سكر
كاس زيت
دقيق على حسب الخليط
2 خمارات
فاني
2 معالق كاكاو
ملون احمر
للتزيين شكلاط دايب
و حليوات على شكل قليبات
طريقة تحضير كيكة بطريقة جديدة و مبتكرة
طربت البيض و السكر و الفاني من بعد زدت الزيت و اليوغورت و الدقيق و الخمارات و خلطت , قسمت العجين على جوج واحد درتليه الملون الاحمر باش حصلنا على لون زهري درتو فمول مدهون و مرشوش بالدقيق و دخلتها الفران من بعد ما طابت خليتها بردات شوية و قطعتها بقطاعة على شكل قليب
النصف الاخر ديال العجين كنزيدو ليه الكاكاو و كنديرو النصف ديالو فمول مدهون , نستفو القليبات و نغطيو بالعجين المتبقي انا جاني العجين التاني ناقص شوية ما خليتش بزااف المهم كندخلوه الفران منين يطيب نزينوه بالشكلاط دايب و حليوات ممكن ديرو لوز محمر و مهرمش او الكوك كل واحد و شنو بغا و صافي ها الكيكة واجدة , ممكن نفس الفكرة ديروها فالكاب كيك كيجيو رائعييين
حطيت الكيكة هكاك و عطيت الموسيو هو لي قطعها تفاجئ بالقليبات هههههه عربون محبة بطريقة جديدة هههههههههه اكيد عجبو الحال , و نتمنى حتى نتوما تنال اعجابكم , دمتن في رعاية الرحمان
