السلام عليكم و رحمة الله و بركاته
موقع بسمة لكل ما يهم المرأة المغربية يقدم طريقة عمل التفاية على حقها و طريقها
طريقة عمل التفاية على حقها و طريقها
من الاخت زوجة رمضان جزها الله عنا كل خير
مقادير و طريقة عمل التفاية
بصلة من الأفضل البيضة أنا درت شي 2 كيلو و نص مع رابعة د الزبيب
إضافة إلى ليبزار و الخرقوم و سكين جبير و الملح و الزعفران شعرة كانضيف لها شوية قرنفل و المسكة الحرة و بسيبيسة و قعقلة و الكوزة و شوية د الزهر
ما صورتش جميع المراحل ولكن غادي نشرح لكم مزيان الطريقة
ملي نقطع البصلة رقيقة نديرها تطيب مع كاس د الما صغير و نخليها حتى تدبال شوية
نضيف لها ليبزار و الخرقوم و سكين جبير و الملح و القرفة شوية بزايد و نخليها تطيب و ملي تزيد تطيب نضيف القرنفل و الكوزة و الزهر و بسيبيسة و قعقلة ثم نضيف الزبيب و شوية د الزبدة و السكر د القالب الجهد لي حليها و شي معلقة كبيرة د العسل باش كايعطيها اللون ونخليها حتى تشحر ومرة مرة نحرك باش ماتلصقش
