السلام عليكم و رحمة الله و بركاته
موقع بسمة لكل ما يهم المرأة المغربية يقدم فطيرة التاج بعجينة اللبن محشية بالتفاح معسل و اللوز و الشكلاط
فطيرة التاج بعجينة اللبن محشية بالتفاح معسل و اللوز و الشكلاط
مقادير فطيرة التاج
عجينة اللبن
تفاحة مقشرة و مقطعة طريفات
3 معالق كبار زبدة
3 معالق كبار سكر بني
نصف كيس فاني
2 معالق كبار رقائق اللوز
2 معالق كبار حبيبات الشكلاط
أصفر بيضة للدهن
طريقة فطيرة التاج
فمقلاة فوق النار ندوب الزبدة مع السكر البني و الفاني
نزيد عليها التفاح و نخليه يتعسل مزيان
نطلق العجينة على سطح مرشوش بالدقيق
نقطعها على شكل دائرة قطرها 30 سنتيم
نرشمها من الوسط بزلافة متوسطة و بلا ما نقطعها
نقطع الوسط باش نحصل على 8 المثلتات
نحشي بالتفاح المعسل مع الصلصة بحال كيف مبين فالصورة
فوق حشوة التفاح نرش اللوز إفيلي و الحبيبات ديال الشكلاط
و نجمع الجوانب بحال كيف باين فالصورة
نخليها تخمر لمدة 20 حتى 30 دقيقة
نسخن الفران
ندهنها بأصفر البيض مع قطرات من الخل
و ندخلها للفران حتى تتحمر
و هدا شكلها ملي خرجتها من الفران
نتمنى تجربوها لأنها فعلا رائعة شكلا و مداق
اللهم أدمها نعمة و بارك لنا فيها و احفظها من الزوال
