السلام عليكم و رحمة الله و بركاته
موقع بسمة لكل ما يهم المرأة المغربية يقدم حلويات مغربية للعيد : بلاطو لاشكال رائعة من الحلويات بالصور
حلويات مغربية للعيد : بلاطو لاشكال رائعة من الحلويات بالصور
مقادير و طريقة تحضير حلويات مغربية للعيد : بلاطو لاشكال رائعة من الحلويات بالصور
حلويات مغربية للعيد : الفقاص بالشكلاط ابيض و الفواكه المعسلة
كنذوبوا الشكلاط ابيض في بان ماري تم نزيله من فوق النار و نضيف الفواكه المعسله مقطعة و اللوز محمر و مهرمش و القليل من البسكوي مطحون كان شاط ليا تم نتركه يشد في راسو شويه يعني يكون بحال العجينة تم نعملوا حربل حسب الحجم اللي بغيتوا تم نمرمدوه في اللوز مهرمش و يمكن تغطيوه بالشكلاط اسود مذاب ملي يقصاح في التلاجة نقطعوه بحال الفقاص (يمكن نزيدوا اللي بغينا بحال الزبيب مقطع او المشماس يابس مقطع او اللي بغيتوا و اللي موجود عندكم و نقدروا نغيروا الشكلاط ابيض بالاسود)
حلويات مغربية للعيد : الشكلاط اسود باللوز مهرمش
نذوبوا الشكلاط اسود في بان ماري تم نضعه في السيليكون و نضع وسطه اللوز مهرمش او اللي بغينا تم نغطيوا بالشكلاط حتى نعمروهم مزيان تم نضع السيليكون في التلاجة حتى يقصاح
سابلي بالشكلاط ابيض
حلويات مغربية للعيد :
اي عجينة سابلي عندكم انا العجينه اللي درت هي هادي كتجي هشيشة بزااااف حيت فيها النشا
المقادير(العبار بكاس عنبة)
250 غ زبذة رطبة
1 كاس صغير سكر كلاصي
1 كاس زيت
2 بيضات
4 م ك نشا
قليل من الخميره ديال الحلوى +ملح
دقيق حسب الخليط
الطريقة
نجمعوا كل المقادير بالترتيب تم نضبف الدقيق حتى تصبح كرة تم نسرحوها بين جوج ميكات كبار (كتجي اسهل في التسراح) تم نقطعوها بقطاعة دائرية عادية تم فوق لاطة تم في الفرن.
نلصقوا كل جوج( بالشكلاط مذاب في بان ماري مع بسكوي مطحون) تم نغطسوا الحلوة في الشكلاط ابيض مذاب ملي يقصاح نعملوا خطوط بالشكلاط اسود
حلويات مغربية للعيد : حلوة RIALTO
هادي كنسميها RIALTO بحال البسكوي اللي كنشريوه غير هدا الشكل ديالوا احسن
نفس عجينة السابلي غير هادي كنزيد عليها الكاكاو مر تم نقطعوها بالقطاعة مربعة هي هادي
تم نضعهم في الفرن ملي يبردوا نغطسوهم في الشكلاط اسود مذاب في بان ماري تم نعملوا عليهم خطوط بالشكلاط ابيض
حلويات مغربية للعيد : سابلي بالمربى
غنية عن التعريف
بنفس عجينة السابلي
حلويات مغربية للعيد : غريبة اللقيطة
المقادير(العبار بكاس صغير)
250غ زبدة رطبة
1 كاس صغير سنيدة
1 فاني+ملح
1 كاس صغير زيت
2 م ص قرفة(يمكن الاستغناء عنه)
شوية زبيب مقطع
شوية لوز محمر و مهرمش
نصف كاس صغير ماء الزهر
1 خميرة
دقيق حسب الخليط
الطريقة
نجمعوا الكل تم كويرات فوق طاوة مذهونه تم في الفرن
بعدما تطهى و تبرد نمرمدها في السكر كلاصي
حلويات مغربية للعيد : حلوة التمر
مقادير العجينة
250غ زبدة رطبة
100غ سكر كلاصي
ربع كاس صغير ماء الزهر
1 فاني
ملح
دقيق حسب الخليط
مقادير الحشوة
500غ تمر معجون
2 م ك جنجلان محمر (ما درتوش)
1 م ص قرفة
مسكة حرة (ما درتهاش)
1 م ك زبدة
1 م ك ماء الزهر
نجمعوا الكل حتى تصبح كرة تم نقسمةها على 2 نسرحوا النصف الاول على شكل مستطيل(دائما بين جوج ميكات لتسهيل العملية) تم نضع فوقها الحشوة حتى هي مسرحة بنفس الحجم تم نضع باقي العجينة مسرحة تم نذهنوا سطحها ببياض البيض مطرب تم نرشوها باللوز ايفيلي تم نضعها في التلاجة حتى تشد راسها تم نقطعوها مستطيلات او الشكل اللي بغينا تم في الفرن
هي في بلاطو اخر درتها في عيد الفطر
حلويات مغربية للعيد : الفقاص
حتى هو خديتو من منتدى اخر جربت شحال من وصفة و هاذي احسن وصفة دلفقاص درت حتى لدابا
المقادير
4 بيضات مطربين (كنخليوا شوية للذهن)
250غ جنجلان محمر
1 م ك نافع مصهد
250 لوز مرقد في 250 غ حليب
250غ زيت
500غ سنيده
1 خميرة و نصف+ملحدقيق حسب الخليط
نخلطوا كل المقادير حتى الحليب اللي مرقد فيه اللوز و تكون العجينة شادا في راسها تم نعملوا منها 5 دالحرابل نضعهم فوق طاوة مذهونة تم نذهنوهم بخليط(البيض + كاكاو + قهوة سريعة الذوبان) تم نشرطوهم بالفرشيط تم في فرن متوسط الحرارة حتى يطيبوا نصف طيبة راكم عارفين طريقة طياب الفقاص احسن مني تم ملي نخرجوهم من الفرن نضعهم في بلاستيكة حتى الغد تم نقطعوهم بحال هاد الشكل تم في الفرن
