السلام عليكم و رحمة الله و بركاته
موقع بسمة لكل ما يهم المرأة المغربية يقدم كيكة بالماء و الكاكاو
كيكة بالماء و الكاكاو
مقادير و طريقة تحضير كيكة بالماء و الكاكاو
من الاخت غفرانك ربي جزاها الله عنا كل خير
هاد الكيكة كتجي غزاالة و خفيييفة و في نفس الوقت كتجيني ساهلة ههه
مقادير كيكة بالماء و الكاكاو
4 البيضات
2 كيسان عنبة سنيدة
1 كاس عنبة و نصف زيت
1 كاس عنبة ماء بارد عادي
1 فاني
2 خمارات حمرين
3 المعالق كبار كاكاو
الدقيق حسب الخليط
طريقة تحضير كيكة بالماء و الكاكاو
نعملو البيض و سنيدة و الزيت و الماء و الكاكاو و الفاني فمرة فمولينكس و نخلطو كلشي مرة وحدة نخليوهم يتخلطو مزياان
نخويوهم في شي اناء و نزيدو الدقيق و الخمارات
و نخلطوها اما بالخلاط اليدوي او الكهربائي
و ندهنو المول بالزيت او الزبدة و نرشوه بالدقيق او الكاكاو و نخويو فيه الخليط
و نحطو الكيكة فالفران عاد نشعلوه و نخليو النار مهييلة
و من بعد ما تخرج من الفرن اما نخليوها هكاك اما نسقيوها بالقهوة انا هنا ما سقيتهاش
و التزيين كيبقى حسب الدوق انا هنا زينتها بدانيت شكلاط مع الشكلاط اسود دوبتو مع شوية الحليب
