السلام عليكم و رحمة الله و بركاته
موقع بسمة لكل ما يهم المرأة المغربية يقدم كيكة لذيذة بالفواكه الجافة و التفاح
كيكة لذيذة بالفواكه الجافة و التفاح
من الاخت امة الله جزاها الله عنا كل خير
مقادير كيكة لذيذة بالفواكه الجافة و التفاح
السلام عليكم اخواتي نتمنى تكونو في أحوال و صحة جيدة هاد الكيكة تتعجبني بزاف و كتجي معلكة و لذيذة
4 بيضات
كاس سنيدة
كاس معامرش زيت (ممكن تخلطو زيت و زبدة)
دانون فاني
1/2 معلقة صغيرة سكنجبير
1/2 معلقة صغيرة قرفة
2 خمارات
2 كيسان و نصف طحين المهم على حسب الخليط
تفاحة كبيرة محكوكة انا ماكانش عندي تفاح درت اجاصة
زلافة من الفواكه الجافة مقطعين انا استعملت لي متوفر عندي (اللوز – كركاع – تمر )
بالنسبة للوز و الكركاع حمريهم شوية فوق مقلة
طريقة تحضير كيكة لذيذة بالفواكه الجافة و التفاح
بحال أي كيكة عادية كنطربو بالطراب الكهربائي البيض و السنيدة مع قريصة الملح وكنزيدو الزيت+دانون
كنزيدو الفواكه الجافة و الطحين مخلط مع القرفة و سكنجبير و الخميرة
كنكبو الخليط فالمول انا استعملت مول كبير باش تجيني فالقياس لي فالصورة
كنزيدو من الفوق التفاح المحكوك التفاح متحكوه حتا تبغيو تخلطو الكيكة
بالنسبة للتزيين انا درت اللوز ايفيلي و رشيت عليه فاني و شوية سنيدة ممكن تستعملي اللوز مهرمش بقشورو تيجي معلك أو ممكن تخليها حتا طيب و دهنيها بالناباج أو كونفتير و ترشي السكر الصقيل المهم التزيين تيبقى على ذوقك
ملي طابت دهنتها بالكونفتير وخليها حتا تبرد و بالصحة و الراحة نتمنا تعجبكم
