السلام عليكم و رحمة الله و بركاته
موقع بسمة لكل ما يهم المرأة المغربية يقدم أسهل وألذ بسبوسة تعتقك مع ضياف الغفلة
أسهل وألذ بسبوسة تعتقك مع ضياف الغفلة
من الاخت ربيعة ام عمر جزاها الله عنا كل خير
مقادير البسبوسة
كأس ونصف من أي سائل (حليب أو عصير برتقال أو يمكن مزجهما)
بيضة واحدة
كأس سميدة رقيقة مع إضافة ملعقة من السميدة (باش ماتكونش جارية بزاف)
نصف كأس دقيق (بما أني أحاول الرجوع للأكل الصحي ممكن تعملو نصف كاس طحين الزرع مغربل فايت جربتها وجات نفس النتيجة)
ربع كأس زيت
كأس سكر
خمارة
ملعقة كبيرة كوك
فيرميسيل شوكولا (اختياري)
لوز وكركاع مهرمشين (اختياري)
بالنسبة لسيرو
سكر
ماء
عصير نصف حامضة
ديروهوم يطبخو وكل وحدة على حسب الحلاوة لي بغات
نضربو المقادير كلها فمولينكس ونصبوهوم فمول كدخل الفرن طيب كأي كيكة عادية
أنا كندخلها على عافية مجهدة شوية وكنقس عليها فمرة وطيب على خاطرها
هنا خرجات من الفرن
هذا سيرو
هنا كنسقيها
هنا كترتاح هههههههه
نقل مباشر للحدث
وها هي
متخافوش رها كتخرج كثر من هكا غي لزوم التصوير خذيت هاد القدر
مع عصير البرتقال والخوخ مممممممممممم
