السلام عليكم و رحمة الله و بركاته
موقع بسمة لكل ما يهم المرأة المغربية يقدم فخيدات فالفران بالبصلة وصويا صوص
فخيدات فالفران بالبصلة وصويا صوص
مقادير و طريقة تحضير فخيدات فالفران بالبصلة وصويا صوص
من الاخت ام اسامة و ايمان جزاها الله عنا كل خير
مقادير فخيدات فالفران بالبصلة وصويا صوص
فخيدات الدجاج حسب الحاجة + بصلة محكوكة + ربيطة قزبور ومعدنوس مقطع رقيييييق + زعفران + نص م ص إبزار + نص م ص سكنجبير + ربع م ص خرقوم
ربع م ص قرفة + ربع م ص كامون + م ك تحميرة + زيت بلدية ( غير شوية أي حاجة كنطيبها فالفران مكنكترش لها الزيت )
+ م ك صويا (صوص هاد الصويا لي عندي خاترة يعني غير م ك كافية إدا كانت خفيفة كنعمل زوج أو 3 )
+ 3 بصلات مشنفين ( أنا مصورة غير 2 لكن عملت 3 وممكن تزيد )
طريقة تحضير فخيدات فالفران بالبصلة وصويا صوص
كنخلط جميع التوابل مع البصلة محكوكة والربيع والصويا صوص والملح ونشرمل الفخيدات
كنفرش البصلة فالطاجين والشرمولة لي بقاتلي من الفخيدات كنخويها على البصلة ونستف الدجاج فوقها ونغطيها ونخليها تترقد مزيااااااااااان أنا شرملتهم وخليتهم تقريبا 24 ساعة
وندخلهم لفران مغطيين بورق الألمنيوم أو ورق الطبخ الفرن مسخن من قبل فالأول على 200 درجة وننقص وغير يبداو يغليو ننقص ل 180 ملي مرة مرة نشوفهم ملي يدخلهم
الطياب مزيان نحيد الغطا ونعلي درجة الحرارة ل 200 باش ينشف ويتحمر مزيان وفالعموم كل وحدة أدرى بالفران لي عندها
تقدم فخيدات الدجاج موفوقة بالروز لي فها الرابط
