السلام عليكم و رحمة الله و بركاته
موقع بسمة لكل ما يهم المرأة المغربية يقدم سر بنة كميلة لوسي لي كيطلبوها الموحمات
من الاخت ام هنية جزاها الله عنا كل خير
مقادير كميلة لوسي لي كيطلبوها الموحمات
كياخد الكميلة كيدير فيها زويتة بلدية وكيضيف اللحم وكيخليه يتقلى مزيآآان ثم كيضيف 4 بصلات مشنفين و الملح و الإبزار وكيخليهم يتقلاو مزيان ثم الثوم مقطع وكيخليهم يتشحرو ثم كيزيد الفلفل الحلو مقطع مربعات و الخرقوم و كيرجعهم يتشحرو ثم كيضيف خيزو مقطع مربعات و كيخليه يتقلا ثم كيديرسكين جبير والمطيشة مقطعة مربعات والتحميرة والربيع وكيخليهم يتشحرو واحد ربع ساعة ثم كيضيف المكون السري وهو عصير الأناناس أيييييه لوسي كيمرق بالعصير ماشي بالماء ههههههه
ثم كيغطي الكميلة وكينقص العافية مزيان وكيخليه إيطيب على المهل.
بالنسبة لعصير الاناناس راه داك لي كيتباع
و مكنظيفوش الماء نهائيا حيت مطيشة و البصلة كيطلقو الماء بالاضافة الى عصير الاناناس و نار كتكون مهيلة
و مكنظيفوش الماء نهائيا حيت مطيشة و البصلة كيطلقو الماء بالاضافة الى عصير الاناناس و نار كتكون مهيلة
و بالصحة و الراحة
