السلام عليكم و رحمة الله و بركاته
موقع بسمة لكل ما يهم المرأة المغربية يقدم ليلة رومانسية على شرف ابو البنات
ليلة رومانسية على شرف ابو البنات
من الاخت : اريج العفاف
الفكرة جات من بعد خصام بسيط بيني و بين راجلي و خليته على نيته و حضرت ليه ليلة رومانسية كاملة على شرفه
اول حاجة نعست بناتي بكري عطيتهم وقتهم حتى هما
الاكل كلشي كنت طيبته في العشية و الديكور كلشي كنت تقديته في الصباح بكري مع الهدية
اول حاجة حضرت له حمام دافئ على ضوء الشموع كنت محضرة كلشي قبل وجدت ليه فوطة بيضاء على شكل قلب وسط منها قلب احمر و البينوار عمرته بالماء دافئ و جيل موس و زينته بزهور حمراء يابسة كنت بقات من العشاء الي كنت موجدة ليه اخر مرة و عملت شموع حمراء على دورة ديال البينوار
خليته يستحم مشيت قاديت الطبلة و عملت الشواء يطيب و زينت الكلوار بالشموع حتى للصالة و خرج بقا تابع وحال فمه اكيد انا كنت مقادة الحالة سرحت شعري و غيرت اللوك اليومي ديالي
جاء لقا الطبلة موجودة قالي سمحيلي اختي راني غلطت في العنوان من قوة الصدمة ههههه
المهم كنت موجدة عشاء خفيف
عبارة عن apéritif avocat+crevette+tomate+mozzarelle rappé و زينته بالمعدنوس و حبة كروفيت
و العشاء كان عبارة عن بروشيط دجاج و لحم بقر رافقته بزيتون و خبز الدار
الديسير كان عبارة عن tiramisu في كؤوس انفرادية
المهم بعد العشاء كنت موجدة ليه الكادو الكادو عجبه بزاف و قال بانها افضل ليلة في حياته و عمره ينساها و شكرني بززاف لانه مكانتش منتظر مفاجأة بهدا الحجم
نخليكم مع الصور
