السلام عليكم و رحمة الله و بركاته
موقع بسمة لكل ما يهم المرأة المغربية يقدم طارطة الأميرات لأميراتنا الصغيرات
طارطة الأميرات لأميراتنا الصغيرات
من الاخت ام اسامة و ايمان جزاها الله عنا كل خير
مقادير الجنواز
6 بيضات
180 غ سكر
180 غ دقيق مغربل
1 فاني ( أنا عملت 2 جينواز بيضا و 1 بالكاكاو )
الجينواز لي فيها الكاكاو نفس المقاديرإلا الفاني و كنحيد 40 غ من الدقيق ونعوضو بالكاكاو ( شكلاط غبرة مسوس )
سيرو لسقي الكيك ( سقيت بسيرو الخوخ المعلب ) ممكن تعملي أي سيرو كتفضليه
خوخ معلب مقطع مكعبات صغيرة
كريم فريش
باسطا أو ورق التزيين كل واحد شنو كيسميها
شوية نباج مخفف بشوية د الما غير شوية ماشي بزاف
شوية ملون أحمر
عقيق فضي وغوز
الطريقة المعتادة للجينواز : نطرب البيض يكون في حرارة المطبخ نطربو مزيان مع السكر والفاني حتى يتضاعف حجمهم 3 مرات ويبياض لونو
كنضيف الدقيق مغربل شوية بشوية ونخلط بملعقة خشبية من لتحت لفوق باش نحافض على الهوا لي فالبيض
غلف المول أو الصينية لي غادي نطيب فيها بالسولفيريزي ونطيبها على حرارة 180° وعيني ميزاني حسب كل فرن والوقت لي كياخد
بعد ما طيبت الجينواز وبردات غادي نبداو المونطاج
عملت جينواز الفاني وسقيتها مزيان بالسيرو وعملت عليها طبقة كثيفة من الكريمة وطريفات د الخوخ
ونزلت عليها جينواز الكاكاو وكررت نفس العملية
الطبقة الأخيرة سقيتها مزيان بالسيرو
نزلت عليها صينية وضغطت غير بشوية علاش ؟
باش نقاد الكيك من لفوق ومنين نزل الصورة متجيش جهة عالية على أخرى
غلفت بالكريمة مزيان من لفوق والجوانب عملت غير طبقة رقيقة
كنقلب الباسطا على ضهرها وندهنها بالنباج مخفف بشوية د الما مزيان
نزلها على الطارطة ونحاول نعملها فالوسط
نعاود ندهنها مزيـــــان بالنباج لكن ردو البال متعطلوش كتدهنو باش ميتخلطو الألوان د الرسوم
زينتها بالكريمة بيضا وبعدها بالكريمة غوز الباقي الصور تشرحو أكثر
هاهي واجدة
