السلام عليكم و رحمة الله و بركاته
موقع بسمة لكل ما يهم المرأة المغربية يقدم مملحات بالعجين المورق
مملحات رائعة من الاخت ام اسامة و ايمان جزاها الله عنا كل خير
شوصو بالطون والزيتون
المقادير : العجينة المورقة
للحشو : تون بصلصة الطماطم + بيض مسلوق + زيتون + فروماج محكوك
الحشوة نخلط جميع المقادير باسثناء الفروماج لي نرشو فوق الحشوة
طريقة التشكيل نفس الطريقة لي فالصور
نطيبهم في فرن مسخن من قبل على 200 درجة حتى يتورقو وتنفخو مزيان ونزل من درجة الحرارة ل 180 نخليهم يكملو طياب
بالصحة والراحة
قنينطات بالسبانخ والكروفيت
المقادير : سبانخ + كروفيت + ثوم + الحار + تحميرة + كامون + ملح + زيت + فروماج أحمر + ورقة البسطيلة + زيت للقلي
ماحددتش الكميات لأنها كتبقى حسب الرغبة وحسب الكمية لي بغيت نعمل
الطريقة : نحمر الثوم تطلع ريحتها نضيف التوابل نضيف الكروفيت نحرك شوية ونضيف السبانخ نغطي عليهم ونخليهم يطيبو ملي ينزلو السبانخ مزيان نحيد الغطا ونخليهم يتشربو شوية
فالأخير نضيف الفروماج محكوك و نخلط مزيان
إدا بقا فيهم سائل نعملهم فالكسكاس يقطرو عاد نعمر بيهم البريوات و قنينطات
يتقلاو في زيت ساخن حتى يتحمرو شوية
ممكن تحتافضو بيهم فالكونجيلاتور قبل القلي
بالصحة والراحة
