السلام عليكم و رحمة الله و بركاته
موقع بسمة لكل ما يهم المرأة المغربية يقدم الطورطة المحشوة بالفريز
الطورطة المحشوة بالفريز
من الاخت سندريلا مغربية جزاها الله عنا كل خير
مقادير الطورطة المحشوة بالفريز
كيكة عادية: 4 بيضات +كاس زيت ماعامرش+كاس سنيدة+فاني
3خمارات+كاس دانون اي نكهة+الدقيق عينيك ميزانك
العبار بكاس دانون
طريقة تحضير الطورطة المحشوة بالفريز
كنخلط عادي وكنزيد الخمارات مع الدقيق
كنخوي الخليط فمول مدهون وندخلها طيب على حرارة 180د
مقادير الحشوة: نصف لتر حليب+2فلان واحد فريز واحد عادي+2معاق سكر+2دانون جوكي+زلافة فريز مقطع رقيق مخلط مع 2معالق ك سكر ونخليه ساعة حتىيطلق الماء ديالو مزيان
فكسرونة كندير 2فلان+سكر والحليب
كنطيبو عادي حتى يغلى
فهاد الاثناء كتكون طابت الكيكة كندير دائرة الوسط ونخويها بالمعلقة
وكنسقيها بديك السيرو اللي طلق لينا الفريز
وهاداك الشي اللي خوينا من الكيكة كنديروه فمولينكس
وكنخوي عليه الفلان اللي طيبنا وكنطحن مزيان
كنبقى نطحن وكنزيد 2ديال جوكي حتى كنحصل على خليط ناعم
ثم كنزيد الفريز اللي صفينا من قبل وكنحرك غير بالمعلقة
واخيرا كنخويه فقلب الكيك اللي فرغنا وكندخلها تبرد فالثلاجة
ملي كنبغي نقدمها كنزينها بالفريز مدهون بالناباج وكندهن حتى جوانب الكيكة
وهاد الصورة باش تشوفو كيفش كتجي من الداخل
الملحوظة الاولى:انا استعملت جوكي يمكن ليكم تستعملو القشدة الطريةايلا كانت متوفرة وممكن ديرو حتى ثلاثة ديال جوكي
