السلام عليكم و رحمة الله و بركاته
موقع بسمة لكل ما يهم المرأة المغربية يقدم طارط للحفلات و المناسبات
طارط للحفلات و المناسبات
من الاخت ام دعاء جزاها الله عنا كل خير
مقادير طارط للحفلات و المناسبات
مقاديرالجنواز نحتاج : 3 بيضات
معلقة صغيرة بودرة قشور ليمون
خمارة
معلقة كبيرة زيت
كاس ماعامرش فورص نفس لعبارسنيدة
طريقة تحضير الجينواز
نفصل ابيض البيض عن الاصفر نطرب ابيض البيض مع نصف كمية
سنيدة حتى يولي بحال الثلج نحتفظ به جانبا
نطرب اصفر البيض مع الكمية المتبقية سنيدة نضيف معلقة زيت قشرة الليمون ثم الخمارة و الدقيق
في الاخير نضيف ابيض البيض ثم نحرك بملعقة خشبية من الاسفل
الى الاعلى
نوضعو الخليط فمول مربع مغلف بورق المطبخ ندخلوها للفرن يكون سخون من قبل نقصو العافية
حاجتنا 2 جنوازات مقطعين باطار مربع
مين طيب الجنواز وتبرد مزيان نقطعوها باطار مربع نفس العملية للجنواز 2
حشوة طارط للحفلات و المناسبات
نطربو كريم فريش نضيفو ليه الشكلاط مذوب فحمام مريم (يكون دافي) يكونو ( 20 مربع الشكلاط الاسود) نطربو الكل مزيان
نضيفو ليهم 2 معالق كبار كاوبيل من الاحسن الى كان الكاكاو( حسب المتوفر فالبيت )
ثم نضيفو للكريمة 2 قطعات شكلاط ماروخا مقطعة رقيقة مع حبيبات الشكلاط المقرمشة( حسب الرغبة)
نوضعو الجنوازفاطار نسقيوها بالسيرو ( نص كاس الماء +نص كاس سنيدة +معلقة كونفتير الجاري +عصير نص حامضة نوضعوهم فوق النار حتى يغليو)
نقسم الكريمة على 2 نوضعو النصف الاول كطبقة اولى فوق الجنواز
نوضعو القطعة الثانية الجنواز نسقيها بالسيرو
ثم نوضعو فوقها لكريمة المتبقية نقسم وسط الطارط بورق المطبخ ندخلوها للمجمد ربع ساعة
نذوبو 12 مربع الشكلاط الاسود على طريقة حمام مريم مع قطيرة الزيت ثم نضيفو ليه معلقة كبيرة ناباج + ونحركو الكل مزيان حتى تندمج العناصر بيناتها مين يدفا الشكلاط نوضعوه فجيب من ورق المطبخ ونبداو نغطيو نصف الطارطة بهاد الطريقة تتسهال العملية
والنصف الثاني ندهنوه من فوق بلكريم فريش ندخلو الطارطة للمجمد مدة ربع ساعة
من بعد نزولو الاطار ندوزو فجوانب الطارط لكريم فريش و نزولو كذلك ورق المطبخ اللي كنا فرقنا بيه فالوسط
ثم تزين حسن الرغبة انا استعملت فالتزيين برقوق كيوي فريزو في الجوانب شكلاط محكوك مخلط مع فرمسيل وانتم لكم الاختيار
