السلام عليكم و حمة الله و بركاته
موقع بسمة لكل ما يهم المرأة المغربية يقدم سلطة العش بالصور
مقادير و طريقة تحضير سلطة العش بالصور
من الاخت Arij Alworoud جزاها الله عنا كل خير
مقادير و طريقة سلطة العش بالصور
أولا الخس مقطع قطع صغيرةنعملوها على الجوانب
نقطعو باربا مسلوقة شرائح رقيقة وطويلة وناخذو التفاح وخزو ونقطعوهم بنفس الشكل أي شرائح رقيقة
نديرو الباربا اللي نكونو درنا ليها لاصوص فيها زيت وخل وملح ندوروها على الطبق ونديرو من بعدها تفاح مبروش فيه نفس لاصوص أي ملح خل وزيت وإبزار وجزر أخضر بنفس لاصوص
قطعت الخيار شرائح حلزونية ودرتها في الوسط .سلقت بيضة وقطعتها شرائح بدون ما نفصل الأجزاء ديالها ودرتها في الوسط.
وتسميتي لهذه السلطة بعش الطير ليس اعتباطي هذي البيضة دليل.ومع الجوانب قطعت برتقالة إلى شرائح وحطيتها وما بينهم خذيت مطيشة وشنفتها إلى شرائح بلا ما نقطعها كما عملت للبيضة ووركت عليها باش عطاتني بحال هذاك الشكل
وهاهي سلطة عش الطير واجدة ….هي مابين الحلو والمالح لأن التفاح حلو والباربا حلوة وخزو كذلك لكن التتبيلة مالحة….نتمنى تجربوها فهي رائعة
ملاحظة: أنا حطيت شرائح البرتقال على الجوانب .نسيت أني نقول بأني عصرت شوية عصير البرتقال على التفاح والباربا وخزو مع التتبيلة طبعا.
