السلام عليكم ورحمة الله و بركاته
موقع بسمة لكل ما يهم المرأة المغربية يقدم طارط باردة بدون طهي و بدون فرن
مقادير و طريقة تحضير طارط باردة بدون طهي و بدون فرن
من الاخت ام دعاء جزاها الله عنا كل خير
مقادير و طريقة تحضير طارط باردة بدون طهي و بدون فرن
حاجتنا 2 باكيات ونصف بيسكوي صابلي وعصير البرتقال فاطار مربع نستفو قطع بيسكوي صابلي من بعد ما غمسناهم فعصير البرتقال
مقادير كريمة الطبقة الاولى من الطارط الباردة : بيضة ساشي فلان كاراميل 4 مربعات شكلاط اسود 2 معالق كبار كريم باتيسيير 2 معالق كبار ونص سنيدة (حسب الذوق)
نضيف المكونات لنصف لتر الحليب نوضع الخليط فكاسرول فوق النار مع التحراك حتى يعقاد
نوضعو لكريمة فوق لبيسكوي ندخلوها للثلاجة تجمد
مين تجمد نوضعو فوقها طبقة ثانية البيسكوي كل مرة نغمسوه فعصير البرتقال باش يرطاب
ثم نوجدو لكريمة الثانية المكونات : معلقة كبيرة كريم باتيسيير معلقة كبيرة سنيدة ساشي فلان عادي
نضيف المكونات لربع لتر عصير البرتقال نضع الخليط فكاسرول فوق النار مع التحراك حتى يعقاد
نوضعوه فوق البيسكوي نفس العملية ندخلوه للثلاجة حتى يجمد
ثم نغطي لكريمة بطبقة البيسكوي
ندهن من فوق بلكونفتير الجاري ونرش بلكوك و اللوز ايفيلي
نزينها من فوق بخطيطات الشكلاط الاسود ندخلوها للثلاجة تبرد مزيان
نزولو الاطار وتقدم
هذا شكلها من الداخل
هذا طريف منها
بالصحة و الراحة
