السلام عليكم و رحمة الله و بركاته
موقع بسمة لكل ما يهم المرأة المغربية يقدم خبيزات معمرين بشكل مختلف
خبيزات معمرين بشكل مختلف
من الاخت ام دعاء جزاها الله عنا كل خير
مقادير خبيزات معمرين بشكل مختلف
بالنسبة للعجين حاجتنا دقيق القمح و لفورص قياسكم الكافي شوية خميرة الخبز شوية الملح الماء الدافي لجمع العجين
ندلكوها مزيان حتى ترطاب نغطيو على العجين ربع ساعة من بعد نشكلوهم كراة صغار
نغطيو عليهم مرة ثانية يرتاحو ربع ساعة من بعد نطلقو الكرة الاولى كيفما موضح فالصورة نوضعو الحشوة الوسط حسب رغبة كل سيدة انا استعملت بصلة مشحرة مع لكفتة
نوضعو فوقها مربع صغير فروماج سندويش
نجمع عليها الجوانب
نفس الطريقة لباقي الكراة
نبسطو كل كرة بدقيق القمح
نوضعوهم فطاوة
نشنفوهم من الجوانب بلموس كيفما موضح فالصورة
من لفوق نزينوهم بلمنقاش نغطيو عليهم حتى يخمرو ندخلوهم لفرن يطيبو
ونقدموهم و بالصحة و الراحة
