السلام عليكم و رحمة الله و بركاته
موقع بسمة لكل ما يهم المرأة المغربية يقدم بيتزا رويال
مقادير و طريقة تحضير بيتزا رويال
من الاخت فردوس جزاها الله عنا كل خير
مقادير بيتزا رويال
العجين :500غ الطحين
60غ نيدو
ملح
بزار
نيدو
زعيترة
25غ الخميرة
معلقة كبيرة سنيدة
ربع كأس زيت العود
2 بيضات
الماء
50غ الزبدة
تخلط كل المكونات باستثناء الزبدة و دلكي جيدا ثم من بعد نضيف الزبدة و ندلك مرة اخرى
صلصة الطماطم
ناخد كيلو طماطم صغيرة نضيف لها الملح والابزار و 3 ضروس ثوم مقطعين و 2 أوراق سيدنا موسى و اليزير و زيت الزيتون و نخلط كل شي و ندخلها للفران
حتى تبان لي بدات طرطق
و من بعد نطحنها في الطحانة اليدوية و يكون العوينات ديال طحانة صغار باش مايدوزش لي زريعة مطيشة و القشور
و من بعد نديرها في كاسرونة و نزيد عليها شوية سكر و زيت البلدية و نخليها تختار و في الأخير نزيد 3 أوراق نعنان رقاق
حشوة البيتزا
ناخد رابعة شمبينو طري و نقيه و نصوطيه في شوية الزيت البلدية و الملح البزار.
من بعد ما يخمر العجين ناخد منو ثلثين و نبسطه على شكل مستطيل و نملأه بالقليل من لاصوص تقريبا 3 معالق كبار
و نزيد سوريمي محكوك والكروفيت و الموزاريلا و ندور العجين و نقطعو فحال شنيك
و ناخد ثلث العجين المتبقي و نبسطه على شكل دائري و نضع دوائر البيتزا في الجناب و ندهنهم بالبيض مخلط بالملح
و الوسط نضع صلصة الطماطم و ندخلها طيب تحمر غير شوية و نحيدها
و نزيد فيها الكرفيت و شومبنيو و المودزاريلا
و ندخلها للفران
و بالصحة و الراحة
