طبق محشي الكرومب بصوص الطماطم و الكفتة في الفرن مذاق راااائع😋😋
طريقة تحضير محشي الكرومب
ناخد كرة كرومب تكون كبيرة شوية نزولو ليها الراس القاصح الفوقي لي الوسط ونغلي الماء ونحط فيه المكوَّر غير شوية باش يبداو يتحلو الأوراق
ويرخفو ونبدا نزولهم ونحتفظ بيهم
ثم ندوزو للحشوة : زلافة كفتة، زلافة روز عادي مسلوق ،معلقة كبيرة مطيشة الحك،ملعقة هريسة حارة،بصلة و مطيشة مشلضين رقيق، والتوابل ملح ابزار خرقوم سكنجبير كمون تحميرة نخلط كلشي وناخد الأوراق نقسمها على اثنين ونتخلص من العظم لي فالوسط ونبدا نعمروه بالحشوة بحال السيكار ونعملوه في قالب لي نكونو حطينا التحت صوص طماطم(أي صوص معتمدة عندكم) ونستفوهوم مزيرين ما أمكن باش مكيتحلوش ونضغطو عليهم بشي حاجة ثقيلة وندخلوهوم الفران حتى يطيبو ونقدموهوم بالصحة والراحةsound Elmihamd
